fbpx
Laugardagur 25.maí 2024
Fréttir

Ljósmyndaði nakinn mann í búningsklefa – Braut gróflega gegn kynferðislegri friðhelgi

Kristinn H. Guðnason
Þriðjudaginn 23. apríl 2024 10:00

Myndunum var strax eytt.

Ekki missa af Helstu tíðindum dagsins í pósthólfið þitt

Lesa nánar

Maður að nafni Mihai-Stegan Iancu hefur verið dæmdur í eins mánaðar skilorðsbundið fangelsi fyrir að taka tvær ljósmyndir af nöktum manni í sturtuklefa búningsherbergis. Brotið varðar kynferðislega friðhelgi.

Dómurinn féll í Héraðsdómi Reykjavíkur þann 17. apríl síðastliðinn.

Héraðssaksóknari höfðaði málið þann 30. nóvember síðastliðinn. Var gerð krafa um að Mihai yrði dæmdur til refsingar auk þess að farsíminn sem hann tók myndirnar á yrði gerður upptækur. Auk ákæru héraðssaksóknara gerði brotaþoli einkaréttarkröfu upp á eina milljón króna í miskabætur.

Brotið átti sér stað í sturtuklefa í búningsaðstöðu á ótilgreindum stað í júlí mánuði árið 2022.

Játaði skýlaust brot sitt

Mihai játaði skýlaust brot sitt fyrir dómi og við rannsókn málsins. Gerði hann kröfu um vægustu refsingu. Var málið því tekið til dóms án frekari sönnunarfærslu.

Í dóminum kemur fram að auk játningarinnar sé það metið til refsilækkunar að hann hafi aldrei verið fundinn sekur um refsiverðan verknaði hér á landi áður.

„Ákærði eyddi sömuleiðis þeim ljósmyndum sem um ræðir og  því ekki um það að ræða að þær hafi verið birtar eða farið í dreifingu. Þá lagði ákærði sig fram um að upplýsa málið,“ segir í dóminum.

Var refsing Mihai ákveðin 30 daga fangelsi. En verður hún skilorðsbundin til tveggja ára frá birtingu dómsins.

Eyddi myndunum strax

Hvað einkaréttarkröfuna varðar þá viðurkenndi Mihai bótaskyldu sína í málinu en krafðist þess að bótafjárhæðin yrði lækkuð.

„Er til þess að líta að ákærði hefur hér að framan verið sakfelldur fyrir að taka ljósmyndir af brotaþola nöktum þar sem hann var að baða sig á almennum stað og átti sér einskis ills von. Braut ákærði með því gróflega gegn friðhelgi brotaþola,“ segir íl dóminum. „Á hinn  bóginn eyddi ákærði, sem staðinn var að verki í greint sinn, þá þegar þeim ljósmyndum sem hann tók af brotaþola og takmarkaði með þeim hætti það tjón sem af saknæmri háttsemi hans leiddi.“

Þótti dómara það við hæfi að miskabæturnar næmu 400 þúsund krónum. Þá var Mihai einnig gert að greiða samanlagt rúmar 800 þúsund krónur í lögmannskostnað.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Halldór ætlar ekki að biðja Arnar Þór afsökunar – Rifust fyrir viðtal í vikunni

Halldór ætlar ekki að biðja Arnar Þór afsökunar – Rifust fyrir viðtal í vikunni
Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Í gær

Stórtíðindi í nýjustu skoðanakönnuninni – Halla Tómasdóttir komin í annað sæti

Stórtíðindi í nýjustu skoðanakönnuninni – Halla Tómasdóttir komin í annað sæti
Fréttir
Í gær

„Algjör steypa“ að það sé glerbrot og hrossaskítur í neftóbaki

„Algjör steypa“ að það sé glerbrot og hrossaskítur í neftóbaki
Fréttir
Í gær

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist

Gangandi vegfarandi sem lést á Höfðabakka varð fyrir tveimur bílum – Annar þeirra aldrei fundist
Fréttir
Í gær

66°Norður opnar í þjónustustöðvum N1

66°Norður opnar í þjónustustöðvum N1
Fréttir
Fyrir 2 dögum

Sjö vikna dóttir Anítu var útskrifuð af Barnaspítalanum – Lést innan við sólarhring síðar: „Hvar er réttlætið fyrir börnin okkar?“

Sjö vikna dóttir Anítu var útskrifuð af Barnaspítalanum – Lést innan við sólarhring síðar: „Hvar er réttlætið fyrir börnin okkar?“
Fréttir
Fyrir 2 dögum

„Áhorfendur áttu betra skilið“

„Áhorfendur áttu betra skilið“