fbpx
Laugardagur 25.maí 2024
Fréttir

Íbúar brjálaðir út í Hafnarfjarðarbæ: „Þetta er til háborinnar skammar og engin lausn“

Ritstjórn DV
Þriðjudaginn 23. apríl 2024 14:00

Ekki missa af Helstu tíðindum dagsins í pósthólfið þitt

Lesa nánar

Íbúar í Skarðshlíðarhverfi í Hafnarfirði eru ósáttir við fyrirhugaðar áætlanir bæjarins að koma fyrir færanlegum kennslustofum á lóð Skarðshlíðarskóla.

Uppbygging á þessu svæði í Hafnarfirði, Skarðshlíðarhverfi og Hamranesi, hefur verið hröð á undanförnum árum og hefur íbúum fjölgað mikið.

Er nú svo komið að Skarðshlíðarskóli, sem hóf starfsemi sína haustið 2017, er sprungin og hefur Hafnarfjarðarbær nú óskað eftir fjórum færanlegum kennslustofum sem eiga að verða komnar upp á lóð skólans eigi síðar en 15. ágúst næstkomandi.

Íbúar eru óhressir við þetta og gagnrýna bæinn fyrir hægagang við byggingu skóla- og leikskóla í Hamranesi þar sem áætlaður íbúafjöldi verður hátt í 5.000 manns þegar hverfið verður fullbyggt. Þar sem bið verður á því að skóli þar komist í notkun þurfa nemendur þar að fara í Skarðshlíðarskóla.

Hafnarfjarðarbær fékk yfir sig talsverða gagnrýni undir færslu á Facebook í gær þar sem óskað var eftir færanlegum kennslustofum.

„Þetta er til háborinnar skammar og engin lausn. Miðað við íbúðirnar sem verið er að byggja í Hamranesinu og fjölda barna sem munu verða í hverfinu væri Hafnarfjarðarbæ nær að setja gámana upp þar og byrja á að byggja skólann þar. Það er ekki alltaf bara hægt að setja plástur yfir skipulagsleysi hjá bænum og láta börnin okkar gjalda fyrir það,“ segir í einni athugasemd.

„Skammarlegt þetta skipulagsleysi hjá bænum ,“ segir í annarri á meðan einn bætir við að alltaf sé sama daga, byrjað sé á röngum enda og börnin látin sæta afgangi.

„Ég er alveg 100% viss um það elsku Hafnarfjarðarbær að allir foreldrar sem eru með börn í Skarðshlíðarskóla vilja þetta ekki og tökum þetta ekki í mál! Væri ekki bara best að hunskast til að byggja Hamranesskóla og troða þessum skúrum þangað? Af hverju er forgangsröðunin hjá ykkur ekki betri en þetta? Þetta er ykkar skita Hafnarfjarðarbær gerið betur,“ segir í enn annarri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Í gær

NATÓ-ríki íhuga að senda hermenn til Úkraínu

NATÓ-ríki íhuga að senda hermenn til Úkraínu
Fréttir
Fyrir 2 dögum

„Áhorfendur áttu betra skilið“

„Áhorfendur áttu betra skilið“
Fréttir
Fyrir 2 dögum

Þreföld eftirspurn eftir leiguhúsnæði miðað við framboð

Þreföld eftirspurn eftir leiguhúsnæði miðað við framboð