Kolbeini Óttarssyni Proppé náði kjöri á þing fyrir VG um helgina. Hann greinir á Facebook frá því að hann sé fullur eftirvæntingar að byrja í nýju starfi en segir jafnframt að honum hætti til að mæta of seint á fundi. Stundum hendi hann að gleyma að reikna með ferðatímanum.

Það var þess vegna sem hann ákvað að leggja snemma af stað á nýliðanámskeið þingmanna – full snemma. „[Ég] gætti þess vel að leggja nógu snemma af stað í morgun á nýliðanámskeiðið. Viku of snemma, nánar tiltekið. Það er sem sagt ekki 9. nóvember í dag, krakkar,“ segir hann á síðunni sinni.

Vinir hans eru hjálpsemin ein. Einn ráðleggur honum að bíða átekta á fundarstaðnum – því vika sé fljót að líða. Annar beinir því að honum að sækja um hjá Rannís og gera rannsókn á því hvort vika sé stuttur tími í pólitík.

Það er ekki amalegt að eiga góða að.