Þeir foreldrar sem taka þátt í líkamlegum leikjum með börnum sínum stuðla að því börnin þjást síður af kvíðaröskunum þegar fram líða stundir. Hér er átt við leiki eins og kapphlaup og gamnislagi svo dæmi séu tekin.

Þetta leiðir ný rannsókn ástralskra og hollenskra vísindamanna í ljós. Í rannsókninni, sem vísindamenn við Macquarie University í Sydney og University of Amsterdam í Hollandi, stóðu fyrir voru 312 fjölskyldur rannsakaðar.

Börn þeirra foreldra sem notuðu reglulega svokallaða CPB-aðferð (e. challenging parent behaviour) áttu börn sem glímdu við minni kvíða en börn þeirra foreldra sem ekki beittu aðferðinni. CPB er í raun samheiti yfir ærslafulla leiki eins og komið er inn á í fyrstu efnisgreininni.

Vísindamenn telja að ástæðan fyrir þessu sé sú að með ærslafullum leikjum séu börn hvött til að taka áhættur, en þó í öruggu umhverfi. Slíkir leikir geti haft jákvæð og verndandi áhrif og stuðlað að því að börnin verði öruggari í ákveðnum aðstæðum sem stundum þykja óþægilegar.

Rebecca Lazarus, einn þeirra vísindamanna sem stóð fyrir rannsókninni, segir að foreldrar sem vefja börn sín inn í bómul, ef svo má segja, og koma í veg fyrir ærslafulla leiki séu að ýta undir það að börnin þjáist af kvíðaröskunum.