Verslunin Rekkjan er einna þekktust fyrir sölu á heilsurúmum sem hafa bætt líðan fjölmargra Íslendinga. Rekkjan hefur nú stigið nýtt skref í átt að enn betri svefni landsmanna með innflutningi á Carpe Diem rúmunum frá Lysekil í Svíþjóð. Þetta eru rúm í hæsta gæðaflokki og með þessu mætir Rekkjan mikilli eftirspurn Íslendinga eftir hágæða rúmum.
Carpe Diem telur að lykillinn að góðum svefni sé falinn í hönnun Carpe Diem rúmanna sem er með þeim hætti að dýnan léttir á þrýstingi og komið er í veg fyrir truflanir á blóðrásinni. Carpe Diem rúmin eru sérhönnuð og sett saman eftir þörfum hvers og eins. Dýnan fylgir hreyfingum líkamans og lagar sig að honum til að tryggja sem bestan stuðning þar sem hans er þörf. Hver einasti svampur er sérskorinn til að liggja ofan á hverjum gormi fyrir sig en það er árangur margra ára ferlis, rannsókna og ástríðu til að framleiða þægileg rúm. Þessi hönnun kallast Contour Pocket System og er hvergi annars staðar fáanleg, því Carpe Diem hefur einkaleyfi á henni.
Framleiðendur Carpe Diem vita að góður svefn er undirstaða lífsgæða og því gæta þeir þess að allir hlutar rúmsins séu úr hágæðaefnum eingöngu.
Carpe Diem rúmin eru umhverfisvæn og bera Svansmerki Norðurlandanna til marks um það. Til að mynda er bómullin í dýnunum lífrænt ræktuð og Öko-Tex vottaður. Viðurinn kemur ekki frá viðkvæmum skógum heldur einungis frá skógum þar sem skógarhögg er samþykkt og fyrir hvert tré sem er höggið niður er annað gróðursett. Allt sem fyrirtækið gerir er gert með tvennt í huga: viðskiptavininn og umhverfið.
Komdu við í Rekkjunni, að Ármúla 44, og skoðaðu og prófaðu Carpe Diem rúmin. Opið er virka daga frá kl. 10 til 18 og laugardaga frá 11 til 16. Sjá nánar á rekkjan.is.
