Cristiano Ronaldo, leikmaður Juventus á Ítalíu, var mættur til Manchester í gær til að spila gegn sínum gömlu félögum.
Ronaldo lék með United á sínum tíma en yfirgaf félagið árið 2009 og gerði samning við Real Madrid.
Hann var þó mættur til að spila gegn United í Meistaradeildinni í gær og hafði betur að lokum, 1-0.
Eftir leikinn hitti Ronaldo hinn skoska Sir Alex Ferguson sem var einmitt þjálfari hans hjá United.
Ferguson þjálfaði United frá 1986 til 2013 og er hans sárt saknað á Old Trafford enda einn besti ef ekki besti þjálfari sögunnar.
Ronaldo var hæstánægður með að fá að hitta Ferguson enda maður sem kenndi honum mikið innan sem utan vallar.
A great coach and above all a wonderful man. Taught me so many things inside and outside the pitch. Great to see you in good shape, Boss! pic.twitter.com/Ql4dcuJvCW
— Cristiano Ronaldo (@Cristiano) 24 October 2018