Erik Hamren og Freyr Alexandersson byrja ekki vel í starfi með íslenska karlalandsliðið í fótbolta.
Belgía heimsótti Ísland í Þjóðadeildinni í kvöld og unnu sanngjarnan 0-3 sigur. Íslenska liðið byrjaði vel en botninn datt úr leik liðsins eftir um 20 mínútur. Liðið tapaði 6-0 fyrir Belgíu á laugardag.
Liðið er því með mínus 9 í markatölu eftir tvo leiki, ekkert mark skorað.
„Frammistaðan var mikilvæg. Ég er stoltur af strákunum. Þeir geta horft í spegil og verið sáttir. Belgía er með frábært lið. Það var leiðinlegt að geta ekki skorað fyrir stuðningsmennina,“ sagði Hamrén í samtali við Stöð 2 Sport að leik loknum
„Þú getur tapað en samt verið sigurvegari. Liðið var sigurvegari í dag. Við erum að spila við sterk lið. Við viljum vinna en við verðum að horfa í frammistöðuna.“