Það er svakalegur leikur í Þjóðadeildinni í kvöld þegar næst besta landslið í heimi, Belgía mætir á Laugardalsvöll.
Íslenska liðið er sært eftir leik á laugardag en þar tapaði liðið 6-0 fyrir Sviss.
Margir eru svartsýnir fyrir kvöldið en miðað við gengi liðsins á heimavelli er ástæða fyrir bjartsýni.
Ísland tapaði síðast keppnisleik á Laugardalsvelli sumarið 2013.
Þá mættu Slóvenar í undankeppni HM 2014 í heimsókn og unnu góðan 4-2 sigur, margir áttu ekki von á þessum úrslitum.
Ísland hefur unnið mörg sterk lið á Laugardalsvelli síðan þá en þar má nefna Króatíu, Holland og Tyrkland.
