Sergio Ramos, leikmaður spænska landsliðsins, fékk ekki frábærar móttökur á Wembley í gær.

Ramos og félagar hans í landsliðinu unni 2-1 sigur á Englandi í Þjóðadeildinni en liðið kom til baka eftir að hafa lent undir.

Það var baulað á Ramos í hvert skipti sem hann snerti boltann í gær og má búast við að það sé vegna atviks sem kom upp í úrslitum Meistaradeildarinnar í maí.

Mohamed Salah, leikmaður Liverpool, þurfti þá að fara meiddur af velli eftir viðskipti við Ramos og vildu margir meina að það hafi verið viljandi.

Ramos hefur nú svarað fyrir sig en hann segir að enginn muni eftir morðhótunum sem hann og hans fjölskylda fengu eftir það atvik.

,,Ég hefði auðvitað viljað fá öðruvísi móttökur,” sagði Ramos í samtali við blaðamenn.

,,Allir mun eftir úrslitaleiknum en enginn man eftir morðhótununum sem fjölskylda mín og börn fengu.”