,,Veiðin hefur gengið vel síðustu daga í bleikjunni og fiskurinn  er vænn. Það er gaman að eiga við hana, hún er mjög sterk,“  sagði Súddi aðalleiðsögumaðurinn í Breiðdal. Þegar við slógum á þráðinn til hans var hann að skoða seiði og bleikjuna en á þessum tíma árs er í mörg horn að líta.

,,Við vorum að veiða í tvo tíma í fyrrakvöld og fengum 8 flottar bleikjur, flesta kringum 2 pundin. Svo fórum við aftur og fengum 6 bleikjur, fína fiska líka, mest norðan megin,“ sagði Súddi. Hann bætti við að veiðimenn hafi ennfremur verið að fá flottar bleikjur í Fögruhlíðarósnum.

Hann sagði bleikjuna koma vel haldna úr sjónum og útlitið væri því bjart

Mynd. Á veiðislóðum í Breiðdal. Mynd G.Bender