Tvær mæður í Arizona í Bandaríkjunum eiga yfir höfði sér margvíslegar ákærur eftir að hafa skilið fjögur ung börn sín eftir ein í bíl. Mæðurnar brugðu sér á nærliggjandi bar til að drekka.

Lögreglan í Glendale birti upptökur úr búkmyndavél á fimmtudaginn, en atvikið hafi sér stað 8. mars í Westgate skemmtihverfinu, samkvæmt tilkynningu frá Glendale lögreglunni.

Þann 8. mars, um 23:00, hringdu nokkur vitni í lögregluna eftir að þau sáu lítið barn hlaupa um bílastæði. Vitnin litu í kringum sig og fundu þrjú börn til viðbótar þar sem þau sátu í nálægri bifreið. Þegar lögreglan kom á staðinn reyndi hún að ræða við börnin og leitaði í fyrirtækjum í nágrenninu til að reyna að finna foreldrana. 40 mínútum síðar gengu tvær konur inn á bílastæðið og sögðu lögreglumönnunum að þær væru mæður barnanna.

Þegar mæðgurnar mættu hélt önnur þeirra því fram að hún hefði brugðið sér frá til að nota salerni. Báðar mæðurnar sögðu lögreglunni að þær hefðu skroppið frá í 10-15 mínútur.

„Þetta er lygi,“ má heyra lögreglumanninn segja þeim í búkmyndavélinni. „Við höfum verið með þessum börnum í meira en 45 mínútur hérna.“

Lögreglan segir að mæðgurnar hafi lyktað af áfengi og drafað í tali. Þær hafi báðar viðurkennt að hafa setið að drykkju á nálægum bar. Lögreglumenn fundu einnig poka af marijúana í hanskahólfinu, á stað sem börnin hefðu getað komist í efnið.
Að sögn lögreglunnar í Glendale eru tvö barnanna aðeins þriggja eða fjögurra ára og tvö yngri börn voru spennt í bílstólum.

Mæðurnar voru handteknar og börnin flutt á sjúkrahús til skoðunar.

„Við erum þakklát miskunnsömum samverjum sem tóku sig til og brugðust við með hárréttum hætti,“ sagði lögreglan í Glendale í yfirlýsingu. „Þetta atvik er góð áminning um að það að skilja börn eftir ein, meðan foreldrar eru undir áhrifum, er ekki bara ábyrgðarlaust, það er ólöglegt.“