The Independent skýrir frá þessu og segir að Grant, sem er þriggja barna faðir, hafi rétt verið búin að snæða kjúkling í bílnum sínum, sem var lagt á bílastæði við kjúklingastað í Seattle, þegar hann var skotinn í mjöðmina. Konan sakaði hann um að hafa hent kjúklingabeinum í bíl hennar.
Lögreglan segir að enn hafi ekki tekist að bera kennsl á konuna, sem skaut Grant, en hún flúði af vettvangi af vettvangi ásamt annarri konu.
„Ef hún er tilbúin til að skjóta einhvern út af kjúklingi, þá er hún tilbúin til að skjóta einhvern út af öðru,“ sagði Grant í samtali við Fox 13.
Grant viðurkenndi að hafa hent kjúklingabeinunum út úr bílnum til að sóða bílinn ekki út. Konan hafði lagt bíl sínum fyrir aftan bílinn þeirra og taldi greinilega að hann hefði hent beinunum í bíl hennar.
Hún reyndi fyrst að stinga gat á dekkin á bíl Grant. Hann tók hana höfuðtaki og reyndi að koma henni í stellingu sem hindraði hana í að gera eitthvað og sagðist ætla að framkvæma borgaralega handtöku. Þetta sést á upptöku úr eftirlitsmyndavélum. Síðan sést konan draga skammbyssu upp úr buxnastreng sínum og miða á höfuð á höfuð Grant. Hún sagði hann þá hafa hent kjúklingi í bíl hennar og beindi byssunni aftur að honum og skaut.
