Sundgestur sem var gripinn við sjálfsfróun á sundstað var ákærður fyrir blygðunarsemisbrot í Bolton í Bretlandi. Maðurinn, Xin Zhang, stóð í gufubaðinu, með sundbuxurnar á hælunum, reistan liminn í hendinni og starði í gegnum glugga á konu sem var í sundi. Þetta átti sér stað í sundlaug við Salford-háskóla.
Starfsmenn sundlaugarinnar höfðu afskipti af manninum og tilkynntu honum að hann væri nú kominn í bann frá sundlauginni og auk þess var hringt í lögreglu. Nú svarar Zhang til saka fyrir dómi.
Hann neitar þó sök og segir málið eiga sér eðlilega skýringu. Honum hafi verið kalt svo hann hafi ákveðið að hita „kjúllann“. Vissulega hafi limur hans verið í fullri reisn en það megi rekja til þess að nuddstillingin var á í sundlauginni sem hafi sett þrýsting á afturenda hans með fyrrnefndum afleiðingum. Hann gekkst þó við því að hafa misboðið fólki með athæfinu.
Starfsmaður gaf skýrslu fyrir dómi og lýsti því að hafa vikið sér að Zhang og spurt hann hvað hann væri að gera. Zhang svaraði „kjúllinn minn“ og gerði svo óskiljanlega hreyfingu með höndunum. Starfsmaðurinn túlkaði það svo að maðurinn hefði verið að hagræða félaganum. Zhang lýsti því við lögreglu að hann kalli lim sinn kjúlla.
„Ég var bara að hagræða innra lagi sundskýlunnar því ég er með exem og þarf að vera í útvíðum buxum.“
Hann sagði dómara að hann hafi verið að reyna að hlýja sér á getnaðarlimnum þar sem honum var kalt, en neitar því að um sjálfsfróun hafi verið að ræða. Hann gekkst þó við því að það gæti hafa litið þannig út.
Konan sem stóð hann að verki sagði: „Hann stóð upp, hann horfði á mig, gyrti niður sig að hnjám, greip liminn sinn og ég sá að hendur hans gengu fram og til baka. Ég hugsaði: Guð minn góður. Ég veit ekki hvort þessu var beint að mér. Ég veit ekki hvort það var þannig eða ekki. Ég skil bara ekki hvers vegna hann hefði annars gert eitthvað svona. Ef hann gæti komið með einhverja skýringu með viti.“
Verjandi Zhang segir skjólstæðing sinn gangast við því að framkoma hans þennan dag sé óásættanleg en hann neiti því þó að um lostugt athæfi hafi verið að ræða. Hann hafi aðeins verið að verma kynfærin sín. Ekkert annað.
Ákæruvaldið benti þó á að skýringar Zhang á atvikinu væru mjög á reiki og hann ekki samkvæmur sjálfum sér. Því sé ljóst að um lostugt athæfi var að ræða.
Zhang gæti átt yfir höfði sér allt að sex mánaða fangelsi.
