Eins og DV greindi frá á mánudag var ráðist í umfangsmikla leit í áður óþekktum námugöngum á svæðinu, en sú leit skilaði því miður engum árangri.
Sjá einnig: Vendingar í máli litla drengsins sem hvarf sporlaust fyrir tveimur mánuðum
Gus hvarf af afskekktri jörð afa síns og ömmu um 40 kílómetrum suður af bænum Yunta í suðurhluta Ástralíu þann 27. september síðastliðinn. Er talið að hann hafi ráfað burt og ekki ratað heim.
Umfangsmikil leit stóð yfir vikum saman sem hundruð sjálfboðaliða tóku þátt í. Einu ummerkin sem fundust í leitinni var eitt fótspor um 500 metrum frá heimili fjölskyldunnar.
Námugöngin sem leitað var í eru utan þeirra svæða sem fínkembd hafa verið við leitina sem er nú þegar orðin ein sú umfangsmesta í sögu Ástralíu.
Ekkert var skráð í opinberum gögnum um tilvist þeirra og taldi lögregla mögulegt að Gus hefði dottið ofan í eitthvert þeirra.
Lögregla greindi frá því í gær að leitin í vikunni hefði ekki skilað neinum árangri. Talsmaður lögreglu sagði að ekki væri búið að ákveða næstu skref varðandi leitina.
