Bandaríski leikarinn James Earl Jones hefur gefið úkraínska fyrirtækinu Respeecher réttinn á rödd hins illræmda Svarthöfða úr Stjörnustríðsmyndunum. Jones lagði Svarthöfða til rödd í 45 ár en nú er röðin sem sagt kominn að Respeecher að sjá um það.

New York Post segir að Respeecher sérhæfi sig í að endurskapa raddir, klóna þær, með aðstoð gamalla upptaka og gervigreindar. Fyrirtækið sá um að endurskapa rödd Jones fyrir þáttaröðina Obi-Wan Kenobi sem var tekin til sýninga á Disney+ í maí.

Þetta var gert í samvinnu við Lucasfilm, sem er í eigu Disney. Jones veitti ráð varðandi rödd Svarthöfða í þáttaröðinni en hún var gerð af Respeecher.