Sex voru skotnir til bana í skotárás í háskóla í Perm í Rússlandi í morgun. Að auki særðist fjöldi fólks. Nemendur og kennarar eru nú læstir inni í kennslustofum að sögn rússneskra fjölmiðla. Árásarmaðurinn, sem er nemandi við skólann, er  særður og hefur verið handtekinn.

Á rússneskum samfélagsmiðlum hafa verið birt myndbönd af fólki sem hoppaði út um glugga á háskólanum í örvæntingu sinni. Einnig hafa verið birtar myndir af árásarmanninum vopnuðum á gangi um háskólasvæðið. 

Uppfært klukkan 14.50

Rússnesk yfirvöld hafa staðfest að sex hafi verið skotnir til bana en ekki átta eins og sagt var í morgun.