Á þriðjudag í síðustu viku hringdi par, sem var í reiðhjólatúr, í frönsku neyðarlínuna og tilkynnti um lík í síki í Loire í Briennon. Lögreglumenn bjuggu sig undir hið versta og flýttu sér á vettvang ásamt slökkviliðsmönnum.

Þeir drógu dularfullan svartan ruslapoka, sem parið hafði séð í vatninu, í land og ekki var annað að sjá en að í pokanum væri mannslík.

Pokinn var opnaður og er óhætt að segja að viðstöddum hafi brugðið í brún og létt mikið þegar búið var að opna pokann því það var ekki lík í honum. En í honum var höfuðlaus kynlífsdúkka.

Lögreglan birti færslu um málið á Facebooksíðu sinni og sagðist gjarnan vilja komast í samband við eiganda dúkkunnar til að skila henni.