Breska kvikmyndahúsakeðjan Vue cinema var nýlega sektuð um 750.000 pund vegna bresta í öryggismálum sem urðu til þess að 24 ára karlmaður lést þegar hann festist undir sæti. Keðjan þarf einnig að greiða 130.000 pund í málskostnað.

Ateeq Rafiz lést í mars 2018 þegar hann kramdist undir vélknúnum fótskemli sætis í Star City kvikmyndahúsinu í Birmingham. Hann festist undir sætinu þegar hann var að leita að lyklunum sínum. Þessi eins barns faðir hlaut hræðilega áverka á heila og lést. Rannsókn leiddi í ljós að krafturinn í sætinu var á við að 750 kíló hefðu lent á honum. BBC skýrir frá þessu. Rannsóknin leiddi einnig í ljós að á sætið vantaði handfang sem hefði getað losa Rafiz.