„Það er augljóst að Rússar eru að nota eina af gömlu brellunum sínum og stefna þar með fólki í hættu með því að dreifa röngum upplýsingum um bóluefni sem bjarga mannslífum daglega,“ sagði Nick Price, talsmaður bandaríska utanríkisráðuneytisins.
Samkvæmt því sem Global Engagement Center, sem er ein deilda utanríkisráðuneytisins, segir stendur rússnesk leyniþjónusta á bak við fjórar heimasíður sem eru notaðar til að dreifa áróðri gegn bóluefnunum. Eitt af verkefnum deildarinnar er að fylgjast með áróðri erlendra aðila.
Á heimasíðunum eru aukaverkanir, sem geta hlotist af notkun bóluefnisins frá Pfizer og BioNTech, ýktar. Þetta er líklega gert til að láta Sputnik V bóluefni Rússa líta betur út en það hefur ekki verið samþykkt af lyfjastofnunum í ESB og Bandaríkjunum.
Deildin hefur áður sagt að Rússar séu með mörg þúsund aðganga á samfélagsmiðlum sem séu notaðir til að grafa undan einu og öðru um heimsfaraldurinn.
Kínverjar eru sagðir hafa reynt fyrir sé með samskonar aðferðum en hafi gefist upp.
