Þýskur dómstóll dæmdi í gær Jennifer Wenisch, 30 ára, í 10 ára fangelsi fyrir glæpi gegn mannkyninu. Hún gekk til liðs við Íslamska ríkið í Írak. Þar lét hún fimm ára stúlku af ættum Jasída  deyja úr þorsta.

Dómstólinn fann hana seka um að hafa verið félagi í hryðjuverkasamtökum og hlutdeild í morði og glæpi gegn mannkyninu.

Jennifer og eiginmaður hennar, sem var liðsmaður Íslamska ríkisins, fengu sér konu og barn af ættum Jasída og héldu sem þræla á heimili sínu í Mósúl árið 2015 þegar Íslamska ríkið var með borgina á sínu valdi.

„Eftir að stúlkan veiktist og vætti dýnuna sína hlekkjuðu hin ákærða og eiginmaður hennar hana úti í sólinni þar sem barnið leið hræðilegan dauðdaga í miklum hita,“ segir í ákæruskjalinu.

Taha al-Jumailly, eiginmaður Jennifer, hefur einnig verið ákærður fyrir margvísleg afbrot í Írak en önnur réttarhöld fara fram yfir honum.