Fox 4 hefur þetta eftir móður hennar, Deborah Carmichael. Jones lést 9. júní. Carmichael sagði að henni hafi sjálfri liðið illa eftir bólusetningu og að það hafi hugsanlega hrætt Jones. „Ég gat ekki sannfært hana um að það væri góð hugmynd að láta bólusetja sig,“ sagði Carmichael.
Hún segist vonast til að lát dóttur hennar verði öðrum, sem eru hikandi við að láta bólusetja sig, til aðvörunar.
Jones smitaðist af syni sínum sem smitaðist í skólanum. Eftir að hún greindist með veiruna sagði hún móður sinni að hún sæi eftir að hafa ekki látið bólusetja sig. Hún lætur eftir sig eiginmann og tvö börn.
