Samkvæmt frétt The Brussels Times þá var kötturinn rannsakaður eftir að hann fór að sýna einkenni COVID-19 smits.
„Kötturinn var með niðurgang, uppköst og átti erfitt með andardrátt. Vísindamenn fundu kórónuveiru í skít kattarins.“
Sagði Van Gucht á fréttamannafundi á föstudaginn.
Kötturinn fór að sýna einkenni smits viku eftir að eigandi hans fór að sýna sömu einkenni.
Ekki er vitað um mörg tilfelli í heiminum þar sem kórónuveira hefur borist frá fólki í dýr. Skýrt hefur verið frá einu slíku tilfelli í Hong Kong þar sem hundur smitaðist af COVID-19. Ákveðnar efasemdir hafa þó verið uppi um hvort það var á rökum reist.
En belgísk yfirvöld virðast vera viss í sinni sök. Van Gucht lagði áherslu á að ótrúlega litlar líkur séu á að smit berist úr fólki yfir í dýr.
