Eftir að kaffið hefur verið melt rýkur koffínið beint upp í heilann og þá koma erfðaefnin við sögu. Sumir eru mjög viðkvæmir fyrir koffíni og nætursvefninn fer út um þúfur er þeir drekka kaffi á kvöldin. En aðrir eru þeim hæfileikum búnir að kaffið hefur nánast engin áhrif á þá að sögn Kjeld Hermansen prófessors í næringarfræði við Kaupmannahafnarháskóla.
Það er því líffræðileg skýring á því af hverju kaffi hefur ekki sömu áhrif á alla og því er rétt að kaffidrykkja eftir kvöldmatinn er ekki góð hugmynd en það er líka rétt að kaffidrykkja eftir kvöldmatinn getur verið í góðu lagi.
Ef þú ert svo heppin(n) að tilheyra hópnum sem kaffidrykkja hefur engin áhrif á, þá getur þú haldið áfram að drekka það á kvöldin, þá skiptir það engu máli.
En ef þú finnur fyrir áhrifum af kaffidrykkju þá er best að halda sig frá því að drekka það eftir klukkan 16 eða skipta yfir í koffínlaust kaffi.
Maginn og smáþarmarnir taka koffínið upp og magnið í blóðinu er mest um 15 til 120 mínútum eftir þess var neytt. Um helmingur koffínsins brotnar niður á fimm klukkustundum. En þetta er þó mismunandi á milli einstaklinga. Um helmingur fólks hefur hraðskreitt ensím sem brýtur það niður en hinn helmingurinn hefur hægfara ensím sem sér um niðurbrotið.
