NBC News skýrir frá þessu. Fram kemur að nú sé verið að rannsaka málið og enn sé ekki ljóst hver setti myndböndin á síðuna. Þau voru strax fjarlægð þegar herinn sneri sér til Pornhub og óskaði eftir því er haft eftir Blake White varaformanni stjórnar fyrirtækisins.
Hann sagði að fyrirtækið rannsaki nú málið ásamt hernum. Hjá Pornhub sé sú regla í heiðri höfð að efni, sem brýtur gegn notendaskilmálum síðunnar, sé fjarlægt þegar fyrirtækinu er gert aðvart um slíkt efni.
Birting myndbandanna uppgötvaðist fyrr í mánuðinum þegar liðsmaður leyniþjónustu flotans sá þau á síðunni. Á myndböndunum sáust margir hermenn í einkennisfatnaði og með nafnskilti sín. Einnig sjást óbreyttir borgarar í myndböndunum.
Ekki er vitað hvenær myndböndin voru tekin upp eða hversu lengi upptökurnar stóðu yfir.