Vísindamenn hjá bandarísku geimferðastofnuninni NASA hafa gert ótrúlega og ógnvekjandi uppgötvun á Suðurskautinu. Þeir hafa uppgötvað risastórt holrými undir Thwaitesjöklinum. Það er um 300 metrar á hæð og mjög breitt. Vísindamennirnir fundu það með því að nota ratsjá. Það hljómar kannski ekki svo hræðilega að holrúm sé undir jöklinum en það eru mjög slæm tíðindi.

Holrúmið segir okkur að þessi risastóri jökull, einn af þeim stærstu í heiminum, bráðnar mun hraðar en talið var. Þetta kemur fram á heimasíðu NASA. Þessi uppgötvun hefur mikla þýðingu fyrir skilning okkar á hnattrænni hlýnun og segir okkur að líftími jökulsins er styttri en við töldum og að heimshöfin verða fyrir hraðari áhrifum af bráðnun hans en talið var.

Vísindamenn hjá NASA telja að ef Thwaitesjökullinn bráðnar muni það hækka yfirborð sjávar um 65 sm. Ef allir jöklar jarðarinnar bráðna mun yfirborð sjávar hækka um 2,4 metra  til viðbótar að mati vísindamanna hjá NASA.