Samkvæmt frétt Aftonbladet var tilkynnt um skothvelli klukkan 00.24. Þegar lögreglumenn komu á vettvang fundu þeir mann, sem hafði verið skotinn, nærri skóla. Nokkur hundruð metrum þar frá fundu lögreglumenn annan mann sem hafði verið skotinn eftir að lögregluhundar höfðu látið vita af honum.
Einn hefur verið handtekinn vegna málsins. Lögreglan hefur verið við vettvangsrannsóknir í alla nótt og hefur beðið fólk að gefa sig fram ef það sá fólk eða bíla á svæðinu á þeim tíma sem mennirnir voru myrtir.
Sá handtekni kom á vettvang þegar vettvangsrannsókn lögreglunnar stóð yfir og var atferli hans þannig að lögreglan telur að hann sé viðriðinn málið.
Aftonbladet hefur eftir vintum að skothvellir hafi heyrst með nokkurra mínútna millibili. Í heildina hafi þetta verið 10 til 15 skot.
