Þeir sem eru sérstaklega áhugasamir um jólaskraut og þá sérstaklega dýrt jólaskraut ættu að gera sér ferð á Kempinski Hotel Bahia á Spáni nú í jólamánuðinum. Þar er dýrasta jólatré heims enda þýðir auðvitað ekkert annað fyrir fimm stjörnu hótel en að skarta rándýru jólatré.

Tréð er skreytt með demöntum, öðrum eðalmálmum og hönnunargripum að verðmæti sem svarar til um tveggja milljarða íslenskra króna. Þetta kemur fram í fréttatilkynningu frá hótelinu.

Tréð er skreytt með rauðum, hvítu, bleikum og svörtum demöntum. Það er hannað af Bretanum Debbie Wingham sem er einmitt þekkt fyrir að hanna mjög dýra hluti. Hún hefur einnig að sögn hannað dýrustu skó og köku heims.

Tréð er einnig skreytt með skartgripum frá Bvlgari, Cartier, Van Cleef & Arpels og Chanel. Þrívíddarprentaður páfagaukur úr súkkulaði prýðir tréð einnig ásamt austurrísku eggi og ilmvatnsflöskum.