fbpx
Sunnudagur 21.júlí 2019  |

DV - Frjáls og óháður miðill

Neytendur

Aðdáendur Quality Street geta tekið gleði sína á ný: Brúni molinn kemur aftur fyrir jólin

Einar Þór Sigurðsson
Fimmtudaginn 19. október 2017 20:30

Ekki missa af Helstu tíðindum dagsins í pósthólfið þitt

Lesa nánar

Aðdáendur Quality Street, sælgætismolanna sígildu sem eru allt að því fastur gestur á íslenskum heimilum um jólin, geta tekið gleði sína á ný.

DV greindi frá því í fyrra að brúna molanum, Toffee Deluxe, hefði verið skipt úr fyrir annan mola, Honeycomb Crunch.

Óhætt er að segja að aðdáendur Quality Street hafi verið ósáttir og var blásið til herferðar á samfélagsmiðlum til að fá Nestlé, framleiðanda molanna, til að snúa þessari ákvörðun við. Sú herferð virðist hafa skilað árangri því brúni molinn er væntanlegur aftur í nóvember.

Brúni molinn á sér langa sögu í Quality Street-fjölskyldunni en hann varð til árið 1936.

Mikið fjaðrafok varð vegna ákvörðunar Nestlé í fyrra og gengu einhverjir svo langt að segja að jólin væru ónýt. Ákvörðunin var þó tekin að vel ígrunduðu máli, eða af þeirri ástæðu að of mikið af karamellumolum væru í öskjunni. Brúna molanum var því fórnað.

Og aðdáendur Quality Street geta glaðst enn frekar því molinn sem kynntur var til leiks í fyrra, Honeycomb Crunch, verður einnig í boði í ár. Það þýðir aðeins eitt: Nú verða þrettán tegundir í öskjunni í stað tólf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Neytendur
24.01.2018

Viktoría keypti engan mat í mánuð en borðaði sig samt sadda alla daga: Svona fór hún að því

Sparaði mikið í leiðinni

Viktoría keypti engan mat í mánuð en borðaði sig samt sadda alla daga: Svona fór hún að því
Neytendur
21.06.2017

Sóley gleymdi vegabréfinu og sat uppi með 73 þúsund króna kostnað í kjölfarið

Ótrúleg þrautaganga bæjarfulltrúa á Akureyri

Sóley gleymdi vegabréfinu og sat uppi með 73 þúsund króna kostnað í kjölfarið