Margir elska makkarónur með osti og vita fátt betra að njóta þeirra. Hin seiðandi og ástríðumikla Nigella er hér með stuttu útgáfuna af þessum dásamlega rétti sem hún er búin að einfalda til muna með frábærri útkomu.

„Þetta er stuttan útgáfan, engin ostasósa, en hins vegar er dásamlega mikið af osti, eggjum og dósamjólk. Namm, namm,“segir Nigella.

Ljúffengur makkarónurréttur úr smiðju Nigellu sem makkarónuaðdáendur elska./Ljósmynd Lis Parson.

Makkarónur með osti að hætti Nigellu

250 makkarónur

250 g þroskaður Cheddar- eða rauður Leichesterostur eða blanda af báðum

250 ml dósamjólk

2 egg

nýmalað múskat eftir smekk

salt og pipar eftir smekk

Forhitið ofninn upp í 220°C. Sjóðið makkarónurnar samkvæmt leiðbeiningum á pakka, hellið af þeim og setjið aftur í heita pottinn. Á meðan makkarónurnar sjóða skal setja ostinn, dósamjólk, egg og múskat eftir smekk í matvinnsluvél og hræra. Annars má rífa ostinn og blanda öllu saman í höndunum. Hellið ostasósunni yfir makkarónurnar, hrærið vel og kryddið með salti og pipar eftir smekk. Skellið blöndunni í fa sem er um það bil 25,5 á þvermál, gott að hafa það vítt og grunnt og bakið í mjög heitum ofni í 10 til 15 mínútur eða þangað til að rétturinn kraumar og er orðinn gullinbrúnn að ofan.

Ljúft að njóta inni í hlýjunni við kertaljós á köldum vetrardegi.