fbpx
Fimmtudagur 18.ágúst 2022
Matur

Þessa sumarlegu og gómsætu skyrtertu verður þú að prófa

Sjöfn Þórðardóttir
Fimmtudaginn 21. júlí 2022 13:45

Þessa sumarlegu og gómsætu skyrtertu verður þú að prófa. Hún gleður bæði auga og munn. MYNDIR/BERGLIND HREIÐARS.

Ekki missa af Helstu tíðindum dagsins í pósthólfið þitt

Lesa nánar

Skyrkökur eru eitthvað sem erfitt er að standast og þær eru svo dásamlegar til að njóta á sumrin. Hér erum við komin með uppskrift af sumarlegri skyrtertu með glás af ferskum berjum úr smiðju Berlindar Hreiðars köku- og matarbloggara með meiru á Gotterí og gersemar sem allir ættu að ráða við. Margir treysta sér ekki til að gera skyrtertu af því þeir eru hræddir um að kunna ekki á matarlímið sem er í flestum uppskriftum af skyrkökum.

„Ég þori varla að viðurkenna það en ég hef aldrei áður gert skyrköku með matarlími sem hægt er að skera í sneiðar, alltaf bara í stóra skál eða lítil glös. Ég hef hins vegar gert ótal ostakökur á þennan máta svo það var sannarlega kominn tími til að prófa. Látið matarlímið alls ekki hræða ykkur, það er ekkert mál að nota það, bara fylgja uppskriftinni,“ segir Berglind sem var hin ánægðasta með sína skyrtertu.

Sumarleg skyrterta

Botn
260 g hafrakex
100 g brætt smjör

Setjið bökunarpappír í botninn á um 20-22 cm smelluformi. Myljið hafrakex í blandara þar til það er orðið duftkennt. Blandið bræddu smjöri saman við og þjappið í botninn á smelluforminu, setjið í frystinn á meðan þið útbúið fyllinguna.

Fylling
350 ml rjómi
2 msk. flórsykur
2 tsk. vanillusykur
500 g KEA skyr með jarðarberjum og bláberjum
5 matarlímsblöð
50 ml mjólk

Leggið matarlímsblöðin í bleyti í kalt vatn í nokkrar mínútur. Hitið mjólkina í potti, takið matarlímsblöðin upp úr vatninu, eitt í einu og vindið út í heita mjólkina. Hrærið vel á milli hvers og þegar blöðin eru öll uppleyst má hella blöndunni í skál og leyfa hitanum að rjúka úr á meðan þið undirbúið annað. Þeytið rjóma, flórsykur og vanillusykur saman. Vefjið skyrinu saman við rjómablönduna og hellið næst matarlímsblöndunni í mjórri bunu saman við og blandið vel saman. Hellið yfir kexbotninn í smelluforminu og setjið í kæli í að minnsta kosti 5 klukkustundir eða yfir nótt. Skerið síðan meðfram hringnum á forminu að innan áður en þið losið hliðarnar frá og flytjið kökuna yfir á fallegan disk.

Skreyting
Ber eftir eigin ósk og smekk
Saxað suðusúkkulaði

Berið hana svo fram fagurlega skreytta svo hún fangi augað og loks munn.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
07.07.2022

Svalandi sumarsangria færir okkur sumarið

Svalandi sumarsangria færir okkur sumarið
Matur
04.07.2022

Óx hlýtur Michelin-stjörnu og DILL hélt sinni

Óx hlýtur Michelin-stjörnu og DILL hélt sinni
Matur
18.06.2022

Hér fæst besta dögurðin að mati íslenskra matgæðinga

Hér fæst besta dögurðin að mati íslenskra matgæðinga
HelgarmatseðillMatur
18.06.2022

Helgarmatseðillinn með sumarblæ í boði súkkulaðigerðarmannsins

Helgarmatseðillinn með sumarblæ í boði súkkulaðigerðarmannsins
HelgarmatseðillMatur
10.06.2022

Ómótstæðilegur helgarmatseðill með ítölsku ívafi í boði Lindu Ben

Ómótstæðilegur helgarmatseðill með ítölsku ívafi í boði Lindu Ben
Matur
09.06.2022

Gabríel töfrar fram tryllingslega gott tígrisrækjusalat

Gabríel töfrar fram tryllingslega gott tígrisrækjusalat