fbpx
Föstudagur 01.júlí 2022
Matur

Himneskir pestósnúðar með hvítlauksrjómaostakremi sem enginn stenst

Sjöfn Þórðardóttir
Laugardaginn 28. maí 2022 20:31

Hér er á ferðinni ómótstæðilega ljúffeng uppskrift af pestósnúðum af bestu gerð úr smiðju Maríu Gomez. MYNDIR/MARÍA GOMEZ.

Ekki missa af Helstu tíðindum dagsins í pósthólfið þitt

Lesa nánar

Hér er á ferðinni unaðslega ljúffeng uppskrift af pestósnúðum með hvítlauksrjómaostakremi sem enginn mun standast. Þessi uppskrift kemur úr smiðju Maríu Gomez matgæðings, lífsstíls- og matarbloggara með meiru. María heldur úti síðunni Paz.is og er þekkt fyrir sínar ljúffengu uppskriftir sem bæði gleðja auga og munn enda mikill fagurkeri. Þessa verðið þið að prófa.

Pestósnúðarnir hennar Maríu með hvítlauksrjómaostakreminu eru guðdómlega ljúffengir. MYNDIR/MARÍA GOMEZ.

 

 

 

 

 

 

Pestósnúðar með hvítlauksrjómaostakremi

Snúðadeig

240 greða 2,5 dl ylvolg nýmjólk

60 g bráðið smjör

2 msk. hunang

2 egg

11 g þurrger eða eitt umslag

560 g hveiti

1 tsk. fínt borðsalt

Fylling

1,5-2 krukkur Fillipo Berio Chargrilled pepper pesto

Rifinn mozzarella (má sleppa)

Hvítlauksrjómaostur

1 askja eða 200 g Philadelphia Original rjómaostur

2-3 hvítlauksrif (2 ef þið viljið ekki mikið hvítlauksbragð, 3 ef þið viljið að hann rífi smá í)

Tæplega ½ tsk. fínt borðsalt (ekki nota gróft)

Þurrkuð steinselja

AÐFERÐ

Snúðadeig

Blandið saman volgri mjólk, geri og hunangi og látið standa í eins og 5 mínútur þar til myndast þykk froða ofan á. Setjið næst hveiti og salt saman í hrærivélarskál og blandið létt saman með króknum. Brjótið egg í skál og bræðið smjörið. Kveikjið svo á hrærivélinni við lágan hraða með krókinn á og bætið gerblöndunni við hveitið hægt og rólega, svo næst eggjunum og að lokum smjörinu. Það verður eins og mjög feitt til að byrja með en haldið áfram að hnoða og aukið svo aðeins hraðann eftir því sem smjörið fer meira inn í deigið

Hnoðið í eins og 3-5 mínútur eða þar til deigið er orðið silkislétt og hefur rúllað sig kringum krókinn. Leggið stykki yfir skálina og látið hefast á volgum stað í 30 mínútur. Gerið rjómaostinn til á meðan með því að hræra mörðum hvítlauksrifum út í hann ásamt salti og steinselju og hræra vel saman.

Samsetning

Þegar deigið hefur hefast fletjið það þá út í ferning sem er eins og 1 sentimeter að þykkt. Smyrjið pestó á ferninginn og rúllið svo deigunu upp eins og þegar maður gerir kanilsnúða (ef þið viljið mikla fyllingu notið þá eins og 2 krukkur en 1,5 ef þið viljið hafa bara passlegt).

Ef þið notið rifinn mozzarella dreifið honum þá yfir pestóið í þunni lagi. Skerið svo í 12 stykki snúða og raðið í smurt eldfast mót með smá bili á milli snúðana eða eins og 1 cm á milli. Setjið stykki yfir mótið og leyfið snúðunum að hefast aftur í 15 mínútur. Bakið svo við 180 °C hita á blæstri í 20-25 mínútur. Takið svo snúðana út og leyfið þeim að kólna í eins og 5-10 mínútur og setjið hvítlauksrjómaostakremið strax yfir og berið fram heita. Þeir munum bráðna í munni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 3 vikum

Elísabet drottning drekkur glas af Bollinger kampavíni á hverju kvöldi

Elísabet drottning drekkur glas af Bollinger kampavíni á hverju kvöldi
Matur
Fyrir 3 vikum

Vantar þig töfralausn við þrifin á óhreinni pönnu og eldavél?

Vantar þig töfralausn við þrifin á óhreinni pönnu og eldavél?
HelgarmatseðillMatur
27.05.2022

Syndsamlega ljúffengur helgarmatseðill í boði Evu Maríu

Syndsamlega ljúffengur helgarmatseðill í boði Evu Maríu
Matur
26.05.2022

Kryddin sem töfruðu matargestina á Duck & Rose upp úr skónum

Kryddin sem töfruðu matargestina á Duck & Rose upp úr skónum
Matur
15.05.2022

Sunnudagur til sælu – Nýbökuðu marmarakaka með kaffinu

Sunnudagur til sælu – Nýbökuðu marmarakaka með kaffinu
HelgarmatseðillMatur
13.05.2022

Seiðandi Eurovision partí helgarmatseðillinn hennar Unu sem mun slá í gegn

Seiðandi Eurovision partí helgarmatseðillinn hennar Unu sem mun slá í gegn
HelgarmatseðillMatur
06.05.2022

Dýrindis helgarmatseðill af betri gerðinni sem steinliggur

Dýrindis helgarmatseðill af betri gerðinni sem steinliggur
Matur
06.05.2022

Sjáið matseðilinn á Hnoss á HönnunarMars

Sjáið matseðilinn á Hnoss á HönnunarMars