Nú styttist óðum í að eitt frumlegasta og ljúffengasta jóladagatalið í ár komi í sölu og verði afhent. Hér er á ferðinni Íslenska matarhandverksdagatalið sem nú verður fáanlegt í tveimur útgáfum. Heiðurinn af því eiga þær stöllur Hlédís Sveinsdóttir og Dóra en Dóra er oft kennd við veitingastaðinn Á næstu grösum og slow food-hreyfinguna á Íslandi en Hlédís er fyrrverandi formaður Beint frá býli og annar stofnandi Matarmarkaðarins í Hörpu.

Dagatalið inniheldur allt helsta sælkerameti sem íslenskir frumkvöðlar og smáframleiðendur hafa upp á að bjóða en eftir miklar vinsældir dagatalsins í fyrra var ákveðið að endurtaka leikinn og gleðja landsmenn með sælkeravörum í aðventunni.

„Jóladagatöl fyrir fullorðna eru að ryðja sér til rúms hér á landi og njóta æ meiri vinsælda. Við stöllur viljum meina að þetta sé hið fullkomna dagatal fyrir hina fullorðnu. Það styður við íslenska smáframleiðendur og það er ætt. Við erum líka með tvenns slags dagatöl núna. Jóladagatal með 24 gjöfum og aðventudagatal með fjórum gjöfum,“ segir Hlédís en viðtökurnar við dagatalinu í fyrra voru framar björtustu vonum.

„Allar vörur í dagatölunum eru unnar af ástríðu og natni af fólki og smáframleiðendum sem brennur fyrir sinni vöru. Það er saga á bak við hverja einustu vöru, eiginlega lítið ævintýri. Það má eiginlega segja að þetta sé dagatal með ætum ævintýrum þar sem matur og munúð eru í forgrunni. Við erum líka sérstaklega ánægðar með að geta boðið upp á aðventudagatalið með fjórum gjöfum til að mynda hentar það líka svo vel sem starfsmannagjafir og jafnvel vinagjafir.“

Hér er hægt nálgast Jóladagatalið:

Jóladagatalið inniheldur 24 gómsætar gjafir. Tilvalið að opna eina gjöf á hverjum degi desember fram að jólum. https://greidslusida.valitor.is/Tengill/zgc8ze

Aðventudagatalið inniheldur 4 gómsæta pakka. Tilvalið að opna einn og njóta á sunnudögum á aðventunni. Dagatölin eru einnig tilvalin í starfsmannagjafir, vinagjafir

https://greidslusida.valitor.is/Tengill/bfiigy

Inn á Facebook síðudagatalsins verður síðan sagt frá hverri vöru og framleiðanda á deginum sem það kemur úr pakkanum: https://www.facebook.com/profile.php?id=100076043326304

Skemmtilegasta er að koma á óvart og ljóstra ekki innihaldi dagatalsins og leyfa eigendum þeirra að njóta augnabliksins þegar opnað er.