fbpx
Föstudagur 02.desember 2022
Matur

Gómsætar og krúttlegar lummur í dögurðinn sem hitta í mark

Sjöfn Þórðardóttir
Laugardaginn 22. október 2022 10:41

Lummur í blínis stærð eru dásamlegar í dögurðinn og upplagt að bera fram fersk ber og ávexti ásamt alls konar súkkulaðismyrjum og góðgæti sem gleður bragðlaukana.

Ekki missa af Helstu tíðindum dagsins í pósthólfið þitt

Lesa nánar

Helgarnar eru til þess fallnar að gera sér dagamun og útbúa ljúffengan dögurð sem gleður með auga og munn. Fátt er betra en lokkandi ilmur úr eldhúsinu í helgarfríinu og stúttfullt borð af kræsingum til að njóta með sínum bestu. Hér er á ferðinni skotheld uppskrift af lummum sem tekur örskamma stund að baka og galdurinn er að baka þær í litlum stærðum eins og blinis. Það er svo gaman að baka þær í svona litlum stærðum og leyfa sér að hafa fjölbreytni í því sem sett er á þær. Þegar litlar sætar lummur eru bornar fram er miklu auðveldara að fá sér fleiri og prófa alls konar góðgæti ofan á.

Ekta íslenskar lummur

2 bollar hveiti

2 bollar mjólk (má líka vera kókosmjólk eða möndlumjólk)

2 stk. egg

2 tsk. lyftiduft

1 tsk. vanilludropar

¼ tsk. salt

Ólífuolía eða smjör á pönnuna fyrir baksturinn

Byrjið á því að blanda saman þurrefnum hveiti, lyftidufti og salti. Bætið síðan saman við eggjum, vanilludropum og mjólkinni smátt og smátt saman við. Hrærið þar til deigið verður kekkjalaust. Deigið á að vera fislétt og með fallegri áferð en varist að hræra of mikið svo lummurnar verði ekki seigar. Hitið pönnukökupönnu á hellu á góðum hita fyrir bakstur. Setjið deigið á pönnukökupönnuna með lítilli ausu og miðið við að geta bakað fjóra lummur í einu. Það er fullkomin stærð fyrir þessar lummur. Berið lummurnar fram með öllu því sem hugurinn girnist, ferskum berjum og ávöxtum, sírópi, bræddu súkkulaði, nutella eða sykurlausri súkkulaðismyrju hvaðeina sem ykkur þykir gott að setja á lummur og njóta.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Matur
Fyrir 3 vikum

Svona er best að geyma egg

Svona er best að geyma egg
Matur
Fyrir 3 vikum

Íslenska jóla- matarhandverksdagatalið sem fullkomnar upplifun sælkerans

Íslenska jóla- matarhandverksdagatalið sem fullkomnar upplifun sælkerans