Jóhannes Felixson, bakari og sælkeri með meiru, sem ávallt er kallaður Jói Fel, hefur ekki gert neitt annað frá því að hann man eftir sér en að baka og elda. Ástríða Jóa er bakstur og eldamennska og í eldhúsinu líður honum best. Á dögunum deildi hann uppskrift af sínum uppáhalds pastarétti með lesendum Fréttablaðsins, tagliatelle með risarækjum toppað með hvítvínsrjómasósu sem enginn pastaaðdáandi stenst. Hér á ferðinni guðdómlega góður pastaréttur sem gleður og umvefur á köldum vetrarkvöldum.

Tagliatelle með risarækjum toppað með hvítvínsrjómasósu

1 skalottlaukur

4 hvítlauksgeirar

1 dl hvítvín

½ l rjómi

50 g rifinn parmesanostur

Salt og pipar eftir smekk

½ kg risarækjur (afþíddar)

Spaghetti eða tagliatelle, hægt að nota hvorutveggja og bæði guðdómlega gott

Basilíka og parmesan eftir smekk

Byrjið á því að léttsvissa lauk og hvítlauk létt, setjið rækjur saman við og létt steikið. Bætið síðan hvítvíni á pönnuna og sjóðið niður um helming. Hellið síðan rjómanum saman við ásamt rifnum parmesan, kryddið til með salti og pipar. Loks er pastað soðið og sett saman við sósuna. Setjið á disk, stráið parmesan og basilíku yfir eftir smekk.