Matgæðingurinn og smartheitakonan Una Guðmundsdóttir heldur úti síðunni unabakstur.is. Una er 34 ára Seltirningur og tveggja barna móðir sem starfar á leikskólanum á Seltjarnarnesi auk þess að reka vefverslunina UMU.is

Una er nýr matgæðingur DV og mun hún trylla lesendur með ærandi uppskriftum sem lofa syndsamlegri sæluvímu næstu misseri. Hér er klassískur og einfaldur brönsréttur sem fer aldrei úr tísku. Einnig má nota linsoðið egg eða „poached“ egg fyrir lengra komna.

Hráefni

Gott brauð, helst súrdeigsbrauð
3-4 avókadó
3-4 egg
Salt og pipar
Ferskt kóríander

Aðferð

1. Byrjið á því að skera utan af avókadóinu og stappið það í gróft mauk.
2. Steikið egg á pönnu.
3. Saltið og piprið eftir smekk.
4. Ristið brauðið, smyrjið avókadómaukinu á, setjið eggið ofan á og toppið með kóríander.