90 sekúndna ketó brauð

Ketó brauð sem tekur aðeins 90 sekúndur að gera. Hljómar eins og of gott til að vera satt. En svo er ekki!

Í þessu brauði er meginstaðan möndlumjöl, egg, smjör og parmesan ostur. Og það besta við það er að þú þarft ekki að setja það inn í ofn, heldur einungis örbylgjuofn.

Hér er uppskriftin, sem birtist fyrst á Tasty.

Fyrir einn

Hráefni

3 msk möndlumjöl

½ tsk lyftiduft

¼ bolli parmesan ostur (25 g)

1 tsk ferskt rósmarín, skorið

½ tsk hvítlauksduft

Salt og pipar eftir smekk

Ósaltað smjör, brætt

1 stórt egg, hrært

Aðferð

1. Settu möndlumjöl, lyftiduft, parmesan, rósmarín, hvítlauksduft, salt, pipar, brætt smjör og egg í litla skál. Hrærðu allt saman með gaffli þar til mjúkt.
2. Settu í örbylgjuofn á háan hita í 90 sekúndur.
3. Leyfðu brauðinu að kólna í skálinni/bollanum.
4. Njóttu!

Samkvæmt ummælum á Tasty þá segjast margir hafa prufað að skipta út parmesan ost fyrir cheddar ost. Það gæti verið gott að prófa.