Ketó-mataræðið virðist ekkert vera að tapa vinsældum sínum, en á vefsíðunni Pure Wow er svakalega girnileg uppskrift að ketó-snarli sem auðvelt er að útbúa.

Fylltar paprikur

Hráefni:

2/3 bolli grísk jógúrt
2 msk. Dijon sinnep
2 msk. hrísgrjónaedik
salt og pipar
1/3 bolli fersk steinselja, söxuð
kjöt af 1 kjúklingi, skorið í bita
4 sellerístilkar, skornir í sneiðar
1 búnt af vorlauk, saxað
1 box af kirsuberjatómötum, skornir í fjóra hluta hver
½ agúrka, skorin í bita
3 paprikur, skornar í helminga og fræ fjarlægð

Aðferð:

Blandið jógúrtinni, sinnepi og ediki saman í skál og saltið og piprið. Blandið steinselju saman við. Bætið kjúklingi og selleríi saman við sem og næstum því öllum vorlauknum, tómötum og gúrku. Hrærið vel. Deilið blöndunni á milli paprikuhelminganna og skreytið með restinni af vorlauknum, tómötum og agúrku.