Margir matgæðingar þekkja vefsíðuna Tasty sem býður upp á alls kyns uppskriftir og ávallt myndbönd með. Hér er ein af uppskriftunum þeirra – en það hefur sjaldan verið auðveldara að baka smákökur. Við erum að tala um þrjú hráefni og málið er dautt.
Hér fyrir neðan má sjá myndband þar sem handtökin eru sýnd og fyrir neðan það er uppskriftin.
Hráefni:
240 g hnetusmjör
100 g sykur
1 egg
Aðferð:
Hitið ofninn í 180°C. Blandið öllum hráefnum saman og rúllið litlar kúlur úr deiginu. Klæðið ofnplötu með smjörpappír og raðið kúlunum á plötuna. Fletjið kökurnar út með lófanum og gerið rákir á yfirborðið með gaffli. Bakið í 8 til 10 mínútur og leyfið að kólna aðeins áður en kökurnar eru bornar fram.
