„Við fórum í að hreinsa algerlega út af lagernum hjá okkur og rýma til fyrir nýjum sendingum sem eru á leiðinni. Vogue merkir náttúrulega tíska eða vinsældir á frönsku og við viljum að sjálfsögðu tolla í tískunni og fylgja nýjustu straumum á markaðnum. Núna eru gámar á leiðinni, stútfullir af glænýjum húsgögnum og vörum eftir að létt hefur verið á sendingum innan Evrópu og því fannst okkur tilvalið að nýta tækifærið og hreinsa rækilega til á lagernum. Við höfum áður haldið lagerhreinsanir en aldrei af þessari stærðargráðu,“ segir Helgi Valur, sölufulltrúi hjá Vogue.
Fyrstur kemur, fyrstur fær
Við hreinsunina kom ýmislegt í ljós. „Við höfum nú tekið saman eldri vörur, síðustu eintök og sýningareintök og munum setja á allt að 70% afslátt. Þetta er mikið magn af sófaborðum, hliðarborðum, geggjuðum stólum, hrikalega flottum hægindastólum, borðstofuborðum og gjafavöru sem verður á fáránlega góðum afslætti. Verslunin opnar á slaginu 10:00, alla virka morgna. Mikið af þessum hefur varla komið inn í búðina og er enn í pakkningunum. Sumt er bara til í einu eða fáum eintökum og því er um að gera að festa kaup sem fyrst ef fólk hefur áhuga, því fyrstur kemur, fyrstur fær. Eða réttara sagt; fyrstur kaupir, fyrstur fær því allt er hægt að nálgast í vefversluninni,“ segir Helgi.
Amk 20% afsláttur
Vogue hefur alltaf stært sig af því að bjóða eingöngu upp á vörur og húsgögn í hæsta gæðaflokki. „Þetta eru allt vandaðar vörur frá flottustu framleiðendum í Evrópu. Okkur langaði líka að gera þetta svolítið grand og hreinsa svolítið vel til. Það verður því ekki bara geggjaður afsláttur af eldri vörum heldur verður einnig gefinn afsláttur af öllum vörum í búðinni, líka glænýjum húsgögnum og vörum sem eru nýkomnar til landsins. Svo er líka afsláttur af okkar allra vinsælustu vörum eins og Wizar hægindastólunum sem eru þekktir fyrir að vera einir fallegustu hægindastólar á markaðnum. Svo eru flaggskipin okkar, íslensku rúmin sem við framleiðum sjálf einnig öll á afslætti.“ Því er ljóst að það verður hægt að gera frábær kaup á hágæða húsgögnum og öðrum vörum fyrir heimilið næstu daga í Vogue.
Góð kaup í netverslun
„Við viljum bara minna fólk á að allar vörurnar í verslunni eru einnig fáanlegar í netversluninni vogue.is. Þegar netverslun jókst í faraldrinum stukkum við strax til og uppfærðum heimasíðuna og netverslunina okkar, sem er nú orðin upp á tíu. Auðvitað mælum við samt alltaf með því að ef fólk er að festa kaup í einhverju stærra eins og heilsurúmi eða því um líkt, að mæta, prófa og finna út hvað hentar,“ segir Helgi að lokum.
Vogue er staðsett að Síðumúla 30 í Reykjavík. Opnunartímar eru frá 10-18 á virkum dögum og laugardaga frá 11-16. Sími: 533-3500.
Vogue er einnig staðsett að Hofsbót 4 á Akureyri. Opnunartímar eru frá 10-18 á virkum dögum og laugardaga frá 11-14. Sími: 462-3504.