Á svipuðum tíma var tilkynnt um innbrot í matsöluvagn í Laugardalshverfi. Skemmdir höfðu verið unnar og einhverju var stolið en ekki liggur fyrir hverju.
Fjórir ökumenn voru handteknir í gærkvöldi og nótt, grunaðir um að vera undir áhrifum áfengis og/eða vímuefna. Tveir þeirra reyndust vera sviptir ökuréttindum.
Á sjötta tímanum í gær var ökumaður kærður fyrir að aka sviptur ökuréttindum en hann er grunaður um að hafa ítrekað ekið þrátt fyrir að vera sviptur ökuréttindum.
Á fyrsta tímanum í nótt hafði lögreglan afskipti af konu sem var að stela úr verslun í Bústaðahverfi. Hún er einnig grunuð um vörslu fíkniefna.
Á níunda tímanum í gærkvöldi var maður stöðvaður á leið út úr verslun í Breiðholti með vörur sem hann hafði ekki greitt fyrir.
