Þriðjudagur 21.janúar 2020
Fréttir

Jónsmessugleði Grósku haldin í Garðabæ

Ritstjórn DV
Sunnudaginn 16. júní 2019 10:00

Fallegt verk Ein af fjölmörgum afturðum Grósku.

Ekki missa af Helstu tíðindum dagsins í pósthólfið þitt

Lesa nánar

Í ellefta skiptið verður Jónsmessugleði myndlistarfélagsins Grósku haldin í Garðabæ, fimmtudaginn 20. júní, í samstarfi við Garðabæ. Viðburðurinn er orðinn fasti í menningarlífi bæjarins og má segja að bæjarbúar bíði í ofvæni. Listamenn úr félaginu munu sýna verk sín en auk þess verða gestalistamenn frá Reykjavík, Hafnarfirði, Kópavogi og Blönduósi á sýningunni.

Að þessu sinni ber sýningin yfirskriftina „Þræðir“ og verður það þema sýningarinnar. Verkin verða af ýmsum toga, málverk á striga, innsetningar og fleiri tegundir af list.

Jónsmessugleðin er umfangsmesti viðburðurinn sem Gróska stendur fyrir á almanaksárinu en þann 22. maí hlaut félagið viðurkenningu á Menningaruppskeruhátíð Garðabæjar í Sveinatungu fyrir merkt framlag til menningar og lista. Formaðurinn, Laufey Jensdóttir, tók við viðurkenningunni og Gróskufélagar fjölmenntu þangað og stóðu fyrir gjörningi og örmyndlistarsýningu. Einkunnarorðin eru: gefum, gleðjum og njótum.

Gróska hefur staðið fyrir ýmsum öðrum viðburðum, þar á meðal sumarsýningu á Garðatorgi, dagana 25. apríl til 2. maí.

Að venju verður Jónsmessugleðin haldin við Strandstíginn í Sjálandshverfi. En einnig teygir dagskráin sig á aðra staði. Þar á meðal Jónshús þar sem eldri borgarar verða með málverkasýningar og í Skapandi sumarstarf, þar sem ungir listamenn verða með atriði. Opið verður 19.30 til 22.00. Garðbæingar, jafnt sem aðrir, eru hvattir til að fjölmenna á staðinn og njóta listarinnar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Fréttir
Í gær

Benedikt fékk ónotatilfinningu: Þegar hann kannaði málið betur voru þjófarnir byrjaðir að tæma húsið

Benedikt fékk ónotatilfinningu: Þegar hann kannaði málið betur voru þjófarnir byrjaðir að tæma húsið
Fréttir
Í gær

Sólveig segir ótrúlegt að Árni Páll hafi lækað „kvenfyrirlitningu“

Sólveig segir ótrúlegt að Árni Páll hafi lækað „kvenfyrirlitningu“
Fréttir
Í gær

Stór rassía hjá lögreglunni – Sex handteknir, grunaðir um skipulagða glæpi

Stór rassía hjá lögreglunni – Sex handteknir, grunaðir um skipulagða glæpi
Fréttir
Í gær

Tveir menn rændu dreng í Langholtshverfi

Tveir menn rændu dreng í Langholtshverfi
Í gær
Þögnin
Fréttir
Fyrir 2 dögum

Baráttan um æðsta embætti lögreglunnar

Baráttan um æðsta embætti lögreglunnar
Fréttir
Fyrir 2 dögum

Segja að Guðmundi Frey hafi verið misþyrmt á fósturheimili í æsku – „Sýndi mér stólinn sem hann var bundinn í og hýddur ítrekað“

Segja að Guðmundi Frey hafi verið misþyrmt á fósturheimili í æsku – „Sýndi mér stólinn sem hann var bundinn í og hýddur ítrekað“