Framhald aðalmeðferðar var í dag í Héraðsdómi Reykjavíkur yfir tveimur mönnum sem ákærðir eru fyrir líkamsárás sem framin var 1. apríl árið 2023.
Árásin var framin utandyra í Reykjavík og eru mennirnir sakaðir um að hafa veist að manni og kýlt hann í andlit með þeim afleiðingum að hann hlaut nefbeinabrot og brot á vanga- og kinnkjálkabeinum.
Fyrir hönd brotaþola er gerð krafa um skaðabætur að fjárhæð þrjár milljónir króna.
