Jón Axel Ólafsson útvarpsmaður er mjög áhugasamur um að Bandaríkin kaupi Ísland. Í gær lagði hann þetta til á Facebook-síðu sinni. Nú hefur hann gengið skrefinu lengra og nefnir tíu kosti við að þessi kaup verði að veruleika.
Listinn er birtur á Facebook-síðunni Litla frjálsa fréttastofan en Jón Axel deilir færslunni á sinni persónulegu síðu. Ekkert nafn ábyrgðaraðila er gefið upp á þeirri síðu. Til er vefsíða undir sama nafni en í lénaskrá Isnic er fyrirtækið Plentuz fjárfestingar ehf. skráð fyrir vefsíðunni. Í fyrirtækjaskrá er Jón Axel skráður sem forráðamaður Plentuz en hann á félagið ásamt eiginkonu sinni. Það er því ljóst að Jón Axel stendur sjálfur á bak við Litlu frjálsu fréttastofuna.
Kostirnir 10 við að Ísland kaupi Bandaríkin, sem Jón Axel nefnir eru eftirfarandi:
Ef Bandaríkin eignast Ísland, fá allir landsmenn sjálfkrafa Costco-kort – og mögulega afslátt af pylsum og pizzusneiðum til lífstíðar. Ekkert stress við að endurnýja kortið!
Í stað þess að borga meira fyrir sendingar en vörurnar sjálfar, fáum við loksins „Free Shipping“. Hver myndi ekki vilja fá nýjustu græjurnar beint í dyragættina á þremur dögum?
3. Hollywood aðstæður
Ef við verðum hluti af Bandaríkjunum, mætti alveg reikna með fleiri stórmyndum teknar upp hér. Fast & Furious 15 í Laugardalnum? Af hverju ekki?
4. McDonald’s snýr aftur
Við fáum loksins McDonald’s aftur, og þar með franskar sem passa í drykkjarglösin. Staðir eins og Hvammstangi og Egilsstaðir gætu jafnvel fengið sína eigin McDrive-in.
5. NBA-leikir í Laugardalshöllinni
Íslendingar myndu njóta lifandi NBA-leikja á heimavelli. Það væri sérstakt að sjá LeBron James glíma við íslenskar varnir – þó þær séu kannski úr efra deildarfélagi.
6. Dollari í stað krónu
7. NATO herstöð – með Starbucks
Herstöðin á Keflavíkurflugvelli væri komin aftur í fullan gang, með Starbucks á hverju horni og Taco Bell í flugturninum. Hermenn gætu hjálpað til við snjómokstur – ef það er í „samningi þeirra“.
8. Aukið framboð af Doritos
Ekkert meira röfl um skort á spennandi Doritos-bragðtegundum. Allar bragðtegundir frá Bandaríkjunum – Flamin’ Hot Limón eða Cool Ranch – væru á boðstólum í hverri matvöruverslun.
9. Ný stjórnarskrá (eða ekki)
Þar sem Bandaríkin hafa þegar sína eigin stjórnarskrá, myndi þetta spara okkur tíma og orkuna sem hefur farið í óendanlegar tilraunir til að semja nýja hér á Íslandi.
10. Ólympíuleikar í Reykjavík?
Með bandarískt fjármagn á bakinu gæti Ísland mögulega haldið Ólympíuleika! Við gætum slegið heimsmet í að hafa „minnsta land sem hefur haldið Ólympíuleika“ – eða bara notið þess að sjá Tom Cruise kveikja á Ólympíueldinum.
Það má ráða af færslu Litlu frjálsu fréttastofunnar að hún sé sett fram í hálfkæringi en þó virðist einhver alvara vera þarna á bak við:
„Þó að hugmyndin um að Bandaríkin kaupi Ísland sé auðvitað langsótt – ef ekki fáránleg – er ljóst að þetta gæti opnað ýmsar skemmtilegar dyr. En svo verðum við líka að spyrja okkur: Erum við tilbúin að fórna hákarlinum fyrir corn dogs?
