fbpx
Þriðjudagur 28.maí 2024
Fréttir

Átján rafmyntaverum lokað í Svíþjóð – Lugu að skattinum til að spara milljarða

Kristinn H. Guðnason
Föstudaginn 19. apríl 2024 14:30

Rafmyntir geta auðveldlega verið notaðar til að þvætta peninga.

Ekki missa af Helstu tíðindum dagsins í pósthólfið þitt

Lesa nánar

Sænsk skattayfirvöld hafa látið loka 18 gagnaverum vegna þess að innan þess var stunduð ólögleg starfsemi tengd rafmyntum. Forsvarsmenn gagnaveranna lugu til um starfsemina til að svíkja milljarða undan skatti.

Vefurinn Data Center Dynamics greinir frá þessu.

Sænski skatturinn (Skatteverket) hafði gagnaverin til rannsóknar árin 2020 til 2023. Grunur lék á að verið væri að misnota skattaívilnanir sem fyrirtæki í rafmyntagreftri eiga engan rétt á.

Í skýrslu um málið kemur fram að gagnaverin skuldi 990 milljónir sænskra króna í skatt, það er tæpum 13 milljörðum íslenskra króna. Í skýrslunni kemur fram að stofnunin eigi erfitt með að skilja tilgang starfseminnar og þeirra fyrirtækja sem eiga í viðskiptum við gagnaverin.

Árið 2020 var gefin úr skýrsla þar sem kom fram að sænsk yfirvöld líta á rafmyntagröft og verslun með rafmyntir sem áhættusama þar sem starfsemin gæti falið í sér peningaþvætti. Starfsemin hefur þó fengið að viðgangast í landinu engu að síður.

Segir að yfirsýn stjórnvalda sé lítil og að forsvarsmenn gagnavera sem stunda rafmyntagröft geti stundað ólögleg viðskipti, svikist undan skatti og þvættað peninga.

„Það er hvati fyrir óprúttna aðila til að fela rafmyntagröftinn og í staðinn þykjast vera að stunda starfsemi sem er undanþegin virðisaukaskatti,“ sagði Patrik Lillqvist, skattstjóri.

Á meðal þeirra gagnavera sem hefur verið lokað eru Datacenter AB og Datorhall AB. Nær öll starfsemin í gagnaverum þeirra var rafmyntagröftur en á pappírunum sögðust forsvarsmenn þeirra vera að hýsa gögn fyrir grafíska hönnun og ráðgjöf.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 19 klukkutímum

Missti hluta af öðru nýranu en fær engar bætur

Missti hluta af öðru nýranu en fær engar bætur
Fréttir
Fyrir 21 klukkutímum

Bráðfyndið atvik í verslun – Reyndi að svíkja út pening en var sjálf kærð

Bráðfyndið atvik í verslun – Reyndi að svíkja út pening en var sjálf kærð
Fréttir
Í gær

Tilkynnt um mann sem „beraði sig og hristi“

Tilkynnt um mann sem „beraði sig og hristi“
Fréttir
Í gær

Stoltenberg vill að Úkraínumenn fái að nota vestræn vopn til árása á rússneskt landsvæði

Stoltenberg vill að Úkraínumenn fái að nota vestræn vopn til árása á rússneskt landsvæði
Fréttir
Fyrir 2 dögum

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“

Anita hvetur yfirvöld til að segja nafn látinnar dóttur sinnar upphátt – „Þetta eru óafturkræf mistök, óafturkræf vanræksla“
Fréttir
Fyrir 2 dögum

Þetta eru dýrustu og ódýrustu borgir Evrópu til að fara í helgarferð

Þetta eru dýrustu og ódýrustu borgir Evrópu til að fara í helgarferð