fbpx
Laugardagur 25.maí 2024
Fréttir

Lamaðist fyrir neðan háls í alvarlegu slysi fyrir sjö árum en komst engu að síður á topp Hvannadalshnjúks

Ritstjórn DV
Miðvikudaginn 17. apríl 2024 17:00

Á leið á topp Hvannadalshnjúks. Myndin tengist fréttinni ekki beint. Mynd/Sigtryggur Ari

Ekki missa af Helstu tíðindum dagsins í pósthólfið þitt

Lesa nánar

Duncan Edwards lamaðist fyrir neðan háls í alvarlegu klifurslysi fyrir sjö árum síðan en í fyrra varð hann hluti af fyrsta þriggja manna teymi fatlaðra garpa sem komst  á topp Hvannadalshnjúks.

Frásögn Edwards birtist í breska blaðinu Guardian í dag en þar segist hann, sem var reyndur fjallamaður á árum áður, strax hafa orðið áhugasamur um ferðina þegar félagi hans Niall McCann hafði samband og bauð honum að slást í för með sér og Ed Jackson. Allir áttu ævintýramennirnir það sameiginlegt að hafa lamast af slysförum. McCann braut á sér bakið eftir svifflugsslys og Jackson, sem er fyrrum atvinnumaður í rúgbí, hálsbrotnaði árið 2017.

„Ég hugsaði strax um hversu auðveldari þessi för væri ef ég gæti gengið,“ segir Edwards í greininni. Hann segir að þremenningarnir hafi lent í krefjandi veðri á meðan leiðangrinum stóð og mjög hafi reynt á samvinnu þeirra til þess að vega upp á móti þeim erfiðuleikum sem fötlun þeirra olli.

„Þetta var erfiðasta áskorun lífs míns,“ segir Edwards í greininni.

Búinn á því eftir 10 mínútur

Þremenningarnir gerðu ráð fyrir að ferðin upp á topp tæki fjóra daga en strax þegar 10 mínútur voru liðnar fann Edwards hversu þreyttur hann var orðinn af því að draga búnaðinn á eftir sér á sérsmíðaða sleðanum sem hann notaði í leiðangrinum. Hann gafst þó ekki upp heldur ýtti sér hægt og rólega áfram, „fjær siðmenningunni en nær manninum sem hann eitt sinn var,“ eins og hann orðar sjálfur.

Ferðin reyndi gríðarlega á en á toppinn komust þeir og segir Edwards að hann hafi upplifað mikið tilfinningaflóð þegar áfanganum var náð. „Ég áttaði mig á því að þrátt fyrir alla erfiðleikanna sem ég hafði upplifað, áskoranirnar og bakslögin, þá hefði ég sagt nei við því að fá mátt í fæturnar aftur ef einhver hefði boðið mér það,“ segir Edwards. Ekkert hafi jafnast á við þessa sigur- og gleðitilfinningu eftir allt sem hann hafi þurft að ganga í gegnum.

Ætlar að skíða að Suðurpólnum

„Þessi stund á Hvanndalshnjúki hafði áhrif á allt mitt líf og sýn mína á það. Ég lít ekki lengur svo á að ég sé fatlaður. Fyrst að ég komst á toppinn Hvannadalshnjúk þá get ég tekist á við önnur vandamál í lífi mínu. Slysið breytti lífi mínu en í mínu tilviki var það til hins betra,“ segir hann.

Ævintýrið á Íslandi hefur hvatt hann til dáða og greinir Edwards frá því að í desember ráðgeri hann að skíða á sleðanum sínum að Suðurpólnum sjálfum.

Hér má lesa frásögn Edwards í heild sinni

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Sló ökumann í höfuðið með bjórglasi

Sló ökumann í höfuðið með bjórglasi
Fréttir
Í gær

NATÓ-ríki íhuga að senda hermenn til Úkraínu

NATÓ-ríki íhuga að senda hermenn til Úkraínu
Fréttir
Fyrir 2 dögum

„Áhorfendur áttu betra skilið“

„Áhorfendur áttu betra skilið“
Fréttir
Fyrir 2 dögum

Þreföld eftirspurn eftir leiguhúsnæði miðað við framboð

Þreföld eftirspurn eftir leiguhúsnæði miðað við framboð