fbpx
Mánudagur 27.maí 2024
Fréttir

Fjölskylda Bondi-morðingjans sendir stuðningskveðju til lögreglukonunnar sem skaut son þeirra til bana

Ritstjórn DV
Sunnudaginn 14. apríl 2024 11:30

Bondi-morðinginn Joel Cauchi

Ekki missa af Helstu tíðindum dagsins í pósthólfið þitt

Lesa nánar

Fjölskylda Joel Cauchi, sem drap sex manneskjur og særði fjölmarga aðra  í hnífaárás  í verslunarmiðstöð í Sydney í gær, hefur sent frá yfirlýsingu þar sem fram kemur að þau séu miður sín yfir níðingsverki sonar þeirra. Þá senda þau hlýjar kveðjur til þeirra sem eiga um sárt að binda eftir árásina. Þá hefur komið fram að þau sendu einnig stuðningskveðju lögreglukonunnar sem réðst ein til atlögu gegn morðingjanum og endaði með að skjóta hann til bana. Lögreglukonan, sem reyndi í kjölfarið að bjarga lífi Cauchi, hefur verið hyllt sem hetja í Ástralíu en er eðli málsins samkvæmt eyðilögð eftir hina hræðilegu upplifun.

„Gjörðir Joels voru hryllilegar og við erum enn að reyna að meðtaka hvað gerðist,“ segir fjölskyldan í yfirlýsingunni. Í henni kemur fram að Cauchi hafi glímt við erfið andleg veikindi frá 17 ára aldri en hafði fram að ódæðinu í verslunarmiðstöðinni aldrei komist í kast við lögin.

Fjölskyldan varð fyrir því áfalli að sjá myndir úr öryggismyndavélum í fréttum af atburðinum og þannig báru þau kennsl á son sinn. Höfðu þau þegar í stað samband við lögregluyfirvöld vegna málsins og hafa átt í nánu samstarfi við yfirvöld síðan.

Fjölskylda Cauchi bar kennsl á hann af þessum myndum

Joel, sem var fertugur að aldri, hafði nýlega flutt til Sydney frá Queensland en hann var ekki í reglulega sambandi við fjölskyldu sína.  Hann átti ekki varanlegan samastað í borginni og svaf stundum í bíl sínum eða gistiheimilum ef hann átti efni á því. Þá skráði hann sig á vefsíður þar sem bauð fram þjónusta sína sem fylgdarsveinn.

Fimm konur voru meðal fórnarlamba Cauchi sem og einn karlkyns öryggisvörður. Rannsakar lögregla nú hvort að konur hafi verið skotmark árásar Cauchi.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Sakaðir um að setja á svið umferðarslys í Hafnarfirði

Sakaðir um að setja á svið umferðarslys í Hafnarfirði
Fréttir
Fyrir 14 klukkutímum

„Pútín horfir báðum augum á eyjuna okkar“

„Pútín horfir báðum augum á eyjuna okkar“
Fréttir
Fyrir 2 dögum

Hlaupa gamla póstleið í Dölunum

Hlaupa gamla póstleið í Dölunum
Fréttir
Fyrir 2 dögum

Afar sérstætt forsjármál fyrir Héraðsdóm Reykjaness – Faðirinn hefur ekki sést í tíu ár og hætta á að syninum verði vísað úr landi

Afar sérstætt forsjármál fyrir Héraðsdóm Reykjaness – Faðirinn hefur ekki sést í tíu ár og hætta á að syninum verði vísað úr landi