Lögreglan á höfuðborgarsvæðinu fékk tilkynningu um ökumann í umferðinni í gær sem tilkynnandi taldi fremur ungan. Þessi grunur reyndist á rökum reistur því ökumaðurinn ungi var aðeins 14 ára gamall og hafði ekki hlotið ökuréttindi.

Ekki koma frekar upplýsingar fram um málið hjá lögreglu utan þess að það gerðist í umdæmi lögreglustöðvar 4 sem sinnir Grafarvogi, Mosfellsbæ og Árbæ.

Lögregla fékk svo tilkynningu um eignaspjöll utan við skóla miðsvæðis á höfuðborgarsvæðinu en þar hafði verið kveikt í reiðhjóli.Einn ökumaður var svo stöðvaður eftir of hraðan akstur en hann mældist á 137 kílómetra hraða á kafla þar sem leyfilegur hámarkshraði er 70 kílómetrar á klukkustund.Loks fékk lögregla tilkynningu um líkamsárás í heimahúsi og er málið í rannsókn.