fbpx
Mánudagur 11.desember 2023
Fréttir

Reiði út af nýju heilsuhverfi í Garðabæ – „Garðabær stelur Kópavoginum frá Kópavogsbúum“

Kristinn H. Guðnason
Fimmtudaginn 21. september 2023 16:30

Á torgi hins nýja hverfis er meðal annars gert ráð fyrir veitingastöðum og samgöngumiðstöð. Mynd/Garðabær

Ekki missa af Helstu tíðindum dagsins í pósthólfið þitt

Lesa nánar

Íbúar í bæði Kópavogi og Garðabæ eru ósáttir við fyrirhugaða uppbyggingu hins svokallaða Arnarlands, eða Arnarnesháls í Garðabæ. Þar munu rísa níu hæða stórhýsi sem meðal annars taka sýnina yfir Kópavoginn af Kópavogsbúum í Smárahverfi. Einnig mun umferðarþungi aukast til muna í Smárahverfi og Akrahverfi í Garðabæ.

„Sjórinn fyrir neðan heitir Kópavogur sem er sálin í okkur Kópavogsbúum. Í dag geta flestir íbúar Smárahverfis séð út á sjóinn. Nú má segja: Garðabær stelur Kópavoginum frá Kópavogsbúum,“ segir Gunnar Þór Finnbjörnsson, íbúi í Smárahverfi í Kópavogi.

Hið nýja hverfi er rauðmerkt á kortinu. Mynd/Garðabær

Hann er einn af þeim íbúum sem eru ósáttir fyrir skipulag hverfisins, sem mun stinga töluvert í stúf og verða mun háreistara en nærliggjandi hverfi. Það er Smárahverfið, Akrahverfið og Arnarneshverfið.

 

500 íbúðir á litlum reit

Um er að ræða spildu sem afmarkast af Hafnarfjarðarvegi, Arnarnesvegi og Fífuhvammsvegi. Miðað við legu landsins mætti ætla að spildan, sem er lítið annað en lúpínumelur í dag, tilheyrði Kópavogi en það tilheyrir í raun Garðabæ.

Svæðið er óbyggður lúpínumelur í dag. Mynd/Garðabær

Svæðið er ekki stórt, um 10 hektarar, en þar á samt að reisa 500 íbúðir. Tvo níu hæða turna og nokkra fimm og sex hæða, byggða mjög þétt.

Þá er einnig gert ráð fyrir verslun á reitnum og annarri þjónustu en hverfið, sem hefur fengið nafnið Arnarland, hefur verið kynnt sem heilsuhverfi fyrir 50 ára og eldri.

 

Ekkert rætt við Kópavogsbúa

Haldnir hafa verið tveir íbúafundir í Garðabæ til að kynna fyrirætlanirnar en enginn í Kópavogi. Gunnar Þór og fleiri íbúar Smárahverfis fengu þó veður af þessum fundum og mættu.

„Það kom fram í gögnum þessa funda að skipulagið væri unnið í samráði við ýmsa aðila, þar á meðal yfirvöld í Kópavogi. En það var ekkert rætt við íbúana í Kópavoginum,“ segir hann. Hið nýja hverfi muni þó hafa mikil áhrif á íbúa Smárahverfis, bæði hvað varðar útsýni og umferð.

Gunnar Þór segir að Garðabær byggi en Kópavogur þurfi að taka við umferðinni.

Síðustu forvöð til að skila inn athugasemdum er á mánudaginn, 25. september. Gunnar Þór hefur gert það og fleiri nágrannar hans. Hann gerir sér þó ekki grein fyrir hversu margir í hverfinu hafi sent því að margir séu að „kurra hver í sínu horni“ eins og Íslendingum sé tamt. Hann vonast þó eftir að sem flestir geri það.

Gunnar Þór segist alltaf hafa átt von á því að einhver byggð myndi rísa á þessu svæði, en þá lágreistari. Kannski þriggja hæða byggingar hið mesta. „Þetta er ekki neinu samræmi við það sem er þarna fyrir,“ segir hann.

 

Gríðarleg umferðaraukning

Ólöf H. Pálsdóttir, íbúi í Akrahverfi í Garðabæ, er meðal fjölmargra íbúa þar sem eru ósáttir við umferðina og tengingarnar við hið nýja hverfi. Einkum er það vegna mikils aukins umferðarþunga, sem og fyrirætlana um að tengja Borgarlínuna í gegnum Arnarland og Akrahverfi.

Gerður verður vegur undir Arnarnesveginn sem mun tengjast hringtorginu við Akrahverfið til að tengja við Arnarlandið. Áætluð dagleg umferð verður á bilinu 8 til rúmlega 10 þúsund bílar á dag og gert er ráð fyrir að hátt í 2 þúsund bílar fari um Akrahverfi.

Ólöf spyr hvers vegna nauðsynlegt þyki að tengja saman hverfin tvö með þessum hætti. „Þessi byggð er kynnt sem íbúðir fyrir 50 ára og eldri en í Akrahverfinu er aðeins leikskóli og ein verslun, en það er einnig gert ráð fyrir verslun í nýju hverfi,“ segir hún.

 

Borgarlína í íbúðarhverfi

Nefnir hún að umferðarþunginn sé nú þegar mjög mikill. „Hringtorgið upp á Arnarnesvegi er sprungið á ákveðnum tímum. Hvernig á það að geta tekið við þessari auknu umferð?“ spyr hún.

Þá sé það ekki gott að verið sé að leggja Borgarlínuna um íbúðahverfi. Borgarlínan gangi á 7 til 10 mínútna fresti, mun oftar en venjulegur strætisvagn. Þetta sé meiri truflun fyrir íbúa og skapi meiri hættu fyrir börnin.

Rauða línan er leið Borgarlínunnar. Mynd/Garðabær

Aukin umferð verður enn meiri um Smárahverfið því áætlað er að rúmlega 80 prósent umferðarinnar frá Arnarlandi, um 8 þúsund bílar, muni keyra um Fífuhvammsveginn.

„Mest öll umferðin úr þessu hverfi fer inn í Kópavoginn,“ segir Gunnar Þór. „Garðabær byggir en Kópavogur tekur við umferðinni.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 11 klukkutímum

Öryggisgæsla hert eftir uppákomuna á föstudag – Fulltrúar erlendra ríkja undrandi

Öryggisgæsla hert eftir uppákomuna á föstudag – Fulltrúar erlendra ríkja undrandi
Fréttir
Fyrir 12 klukkutímum

Veðrið tekur stakkaskiptum í vikunni – Hvassviðri, rigning og snjókoma í kortunum

Veðrið tekur stakkaskiptum í vikunni – Hvassviðri, rigning og snjókoma í kortunum
Fréttir
Fyrir 2 dögum

Vilja banna eða herða reglur um rafskútuleigur – Reynslan sýni slæma umgengni

Vilja banna eða herða reglur um rafskútuleigur – Reynslan sýni slæma umgengni
Fréttir
Fyrir 2 dögum

Falsfrétt um að að Ísland hafi bannað covid bóluefni gengur um netheima

Falsfrétt um að að Ísland hafi bannað covid bóluefni gengur um netheima
Fréttir
Fyrir 2 dögum

Heimilishrotti hlaut 12 mánaða dóm fyrir ofbeldi gegn barnsmóður og þriggja vikna barni þeirra – Fékk 4 ára dóm 2017 fyrir enn grófara ofbeldi gegn fyrri sambýliskonu

Heimilishrotti hlaut 12 mánaða dóm fyrir ofbeldi gegn barnsmóður og þriggja vikna barni þeirra – Fékk 4 ára dóm 2017 fyrir enn grófara ofbeldi gegn fyrri sambýliskonu
Fréttir
Fyrir 2 dögum

Pétur fer yfir stöðuna og framtíðarlausnir í málum Grindvíkinga – „Ljóst að einhver er að fá sér ábót af kökunni og láta aðra greiða fyrir þessa ábót“

Pétur fer yfir stöðuna og framtíðarlausnir í málum Grindvíkinga – „Ljóst að einhver er að fá sér ábót af kökunni og láta aðra greiða fyrir þessa ábót“
Fréttir
Fyrir 3 dögum

Landsréttur staðfestir 16 ára fangelsisdóm yfir Magnúsi Aroni

Landsréttur staðfestir 16 ára fangelsisdóm yfir Magnúsi Aroni
Fréttir
Fyrir 3 dögum

Signý getur ekki orða bundist: Segir að þetta verði aldrei framar í boði á hennar heimili

Signý getur ekki orða bundist: Segir að þetta verði aldrei framar í boði á hennar heimili