fbpx
Fimmtudagur 18.apríl 2024
Fréttir

Takast á um Votta Jehóva – „And­styggi­legt form refs­ing­ar, and­legt of­beldi í sinni verstu mynd“

Ritstjórn DV
Miðvikudaginn 22. mars 2023 10:16

Örn Svavarsson (t.v.) og Jörgen Pedersen.

Ekki missa af Helstu tíðindum dagsins í pósthólfið þitt

Lesa nánar

„Á liðnu ári hafa fjöl­miðlar á Íslandi ít­rekað borið fram al­var­leg­ar og ærumeiðandi ásak­an­ir á hend­ur Vott­um Jehóva,“ segir Jörgen Pedersen í aðsendri grein í Morgunblaðinu þann 18. mars síðastliðinn. Jörgen er stjórnarformaður trúfélgs Votta í Noregi en tilefni greinar hans er umfjöllun íslenskra fjölmiðla um meint ofbeldi innan söfnuða félagsins, meðal annars í sjónvarpi á liðnu ári. Jörgen segir:

„Á liðnu ári hafa fjöl­miðlar á Íslandi ít­rekað borið fram al­var­leg­ar og ærumeiðandi ásak­an­ir á hend­ur Vott­um Jehóva. Það er í sjálfu sér áhyggju­efni að þess­ar staðlausu ásak­an­ir skuli vera birt­ar. Það er ekki síður al­var­legt mál að Vott­ar Jehóva skuli ekki hafa fengið tæki­færi til að tjá sig um þess­ar ásak­an­ir áður en þær voru birt­ar. Að gæta ekki hlut­lægni og ná­kvæmni í miðlun upp­lýs­inga til al­menn­ings er brot gegn 26. grein fjöl­miðlalaga.“

Jörgen sakar þá sem hafa stigið fram í viðtölum um ósannindi. Hann segir ennfremur:

„Vott­ar Jehóva eru vel þekkt alþjóðlegt trú­fé­lag. Safnaðar­menn eru 8,6 millj­ón­ir á heimsvísu og söfnuður­inn hef­ur starfað á Íslandi í næst­um 100 ár. Vott­ar Jehóva virða rétt hvers og eins til að ákveða hvaða trú­ar­skoðanir hann aðhyll­ist, ef þá ein­hverj­ar. Rann­sókn­ir fræðimanna hafa sýnt fram á að vott­ar Jehóva „bera mikla virðingu fyr­ir líf­inu og mann­legri reisn“ og trú­ar­kenn­ing­ar þeirra „ein­kenn­ast af ríku­legu val­frelsi og frelsi til að taka eig­in ákv­arðanir“.“

Útskúfun úr samfélaginu

Örn Svavarsson, stofnandi Heilsuhússins, er einn þeirrra sem stigu fram í áðurnefndum sjónvarpsviðtölum, auk þess sem hann hefur tjáð sig um trúfélagið í aðsendum greinum. Örn sér sig knúinn til að svara grein Norðmannsins og birtir grein í Morgunblaðinu í morgun. Þar segir:

„Þar sem ég tók þátt í umræðunni um Vott­ana í kjöl­far sjón­varps­viðtala á síðasta ári og tjáði mig um mína reynslu, mun ég vera í hópi þeirra sem stjórn­ar­formaður norskra Votta Jehóva dylgj­ar um. Því vil ég árétta að ég var al­inn upp sem vott­ur Jehóva frá blautu barns­beini af mjög trúheitri móður. Fyr­ir ákafa hvatn­ingu henn­ar og frek­ari örvun annarra votta lét ég skír­ast aðeins tíu ára gam­all, enda höndluðum við sann­leik­ann og veg­ur framtíðar blasti ljós­lif­andi við okk­ur, Harma­geddon og ei­líf jarðnesk para­dís þar hand­an við.“

Örn vísar því á bug að hann og aðrir sem vitnað hafa um reynslu sína af Vottum Jehóva fari með ósannindi. Hann segir að valfrelsi meðal Votta Jehóva, sem Jörgen staðhæfir að sér virt, sé ekki meira en það að það hafi í för með sér útskúfun út samfélaginu ef meðlimir ganga af trúnni. Hann lýsir meðferðinni á þeim sem snúa baki við trúnni með eftirfarandi hætti:

„Vott­ur sem miss­ir trúna á guðinn Jehóva og fé­lag hans, eða vel­ur að lifa sínu lífi með öðrum hætti en fé­lagið býður, er rek­inn. Fólk er smánað. Útskúf­un þar sem öllu þess fólki, æsku­vin­um jafnt sem frænd­fólki, nán­ustu fjöl­skyldu, jafn­vel systkin­um, for­eldr­um og börn­um er bannað að hafa við það nokk­urt sam­neyti, er and­styggi­legt form refs­ing­ar, and­legt of­beldi í sinni verstu mynd. Þegar heilt sam­fé­lag tek­ur sig sam­an um að leggja fæð á einn ein­stak­ling, þegar heill söfnuður fær fyr­ir­mæli frá sín­um and­legu leiðtog­um um að hunsa einn úr sín­um hópi með öllu, virða hann ekki viðlits frek­ar en að hann hefði aldrei verið til, þá eru slík­ar öfga­full­ar aðgerðir einelti á hæsta stigi og hróp­leg brot á mann­rétt­ind­um.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Blöskrar fréttaflutningur af minnkandi spilakassatekjum -„Þarna sýndi Rauði krossinn sitt rétta andlit frammi fyrir alþjóð“

Blöskrar fréttaflutningur af minnkandi spilakassatekjum -„Þarna sýndi Rauði krossinn sitt rétta andlit frammi fyrir alþjóð“
Fréttir
Í gær

Segir ekki einn heldur tvo frambjóðendur hafa skuldað sér áratugum saman – „Ef þeir gera upp við mig þá fyrirgef ég þeim að sjálfsögðu“

Segir ekki einn heldur tvo frambjóðendur hafa skuldað sér áratugum saman – „Ef þeir gera upp við mig þá fyrirgef ég þeim að sjálfsögðu“
Fréttir
Í gær

Meira en 10.000 kynsjúkdómatilfelli greind á Íslandi síðan 2020 – Sjáðu hvaða kynsjúkdómur er algengastur

Meira en 10.000 kynsjúkdómatilfelli greind á Íslandi síðan 2020 – Sjáðu hvaða kynsjúkdómur er algengastur
Fréttir
Í gær

Seesaw-deilur Reykjavíkur og Persónuverndar beint í Hæstarétt

Seesaw-deilur Reykjavíkur og Persónuverndar beint í Hæstarétt
Fréttir
Í gær

Viðbúnaður vegna vélarvana flutningaskips

Viðbúnaður vegna vélarvana flutningaskips
Fréttir
Í gær

Bretar vilja láta Úkraínu fá nýtt ofurvopn – Myndband

Bretar vilja láta Úkraínu fá nýtt ofurvopn – Myndband