fbpx
Fimmtudagur 29.febrúar 2024
Fréttir

Var Karl að senda Sunak skilaboð?

Ritstjórn DV
Föstudaginn 1. desember 2023 22:30

Karl konungur og Rishi Sunak á gangi í London síðastliðið vor. Mynd-Paul Grove/Getty Images)

Ekki missa af Helstu tíðindum dagsins í pósthólfið þitt

Lesa nánar

Skynews greinir frá því að Karl konungur Bretlands hafi í ræðu sinni, fyrr í dag, á loftslagsráðstefnunni COP28 í Dubai verið með bindi um hálsinn sem er alsett litlum grískum fánum. Mögulegt er að með þessu sé konungurinn að senda Rishi Sunak forsætisráðherra Bretlands skilaboð en ráðherrann hefur tekið fálega í kröfur grískra stjórnvalda um að grískum fornmunum sem breska þjóðminjasafnið (e. British Museum) er með í vörslu sinni verði skilað. Hefur þetta skapað deilur milli ríkjanna.

Faðir Karls, Fillipus hertogi af Edinborg, var fæddur inn í grísku konungsfjölskylduna meðan Grikkland var enn konungdæmi. Konungurinn var hins vegar settur af þegar Fillipus var 18 mánaða.

Vasaklútur Karls var í stíl við bindið, blár og hvítur sem eru fánalitir Grikklands.

Bindi og vasaklútur konungsins fylgja í kjölfar diplómatískra deilna milli Bretlands og Grikklands eftir að Sunak aflýsti fundi með Kyriakos Mitsotakis forsætisráðherra Grikklands. Átti fundurinn að snúast ekki síst um kröfu Grikkja um að höggmyndum sem fjarlægðar voru úr Meyjarhofinu á Akrópólishæð í Aþenu og fluttar til Bretlands yrði skilað.

Sögðu bresk stjórnvöld að fundinum hefði verið aflýst þar sem Grikkir hefðu brotið samkomulag um að krefjast þess ekki opinberlega að höggmyndunum yrði skilað.

Grísk stjórnvöld kannast hins vegar ekki við að hafa samþykkt að gera það ekki.

Einnig er mögulegt að bindaval konungsins hafi verið hugsað til að bæta samskipti ríkjanna. Sunak virtist að minnsta kosti ekki taka bindavalið óstinnt upp og hrósaði konunginum í hástert, í færslu á samfélagsmiðlinum X, fyrir að hafa barist fyrir umhverfisvernd undanfarin 60 ár.

Grikkir ánægðir

Laura Bundock sem flytur fréttir af konungsfjölskyldunni fyrir Skynews segir að konungurinn hafi vitað vel að tekið yrði eftir bindinu.

Hún segir að Grikkir líti á bindið sem stuðningsyfirlýsingu af hálfu Karls en Bundock veltir fyrir sér hvort um sé að ræða pólitískan stuðning eða persónulegan í ljósi grísks uppruna föður Karls.

Bundock segir einnig vel geta verið að bindið sé í sérstöku uppáhaldi hjá Karli. Hann sé þekktur fyrir að þola ekki sóun og sé ekki feiminn við að nota sömu flíkurnar oft.

Það sé einnig mögulegt að konungurinn hafi verið beðinn af breskum diplómötum um að vera með bindið og þeir hafi talið það skapa tækifæri til að sýna Grikkjum vinarþel.

Sunak hafnar orðum George Osborne, fyrrverandi fjármálaráðherra Íhaldsflokksins og núverandi stjórnarformanns breska þjóðminjasafnsins, um að forsætisráðherrann hafi fengið frekjukast þegar hann aflýsti fundinum með gríska forsætisráðherranum.

Osborne segir að samt sem áður muni viðræður sem staðið hafi yfir halda áfram. Snúast viðræðurnar um að höggmyndirnar verði lánaðar til Grikklands.

Sunak segist hafa sagt allt sem hann hafi að segja um málið.

Karl hefur áður sagt að Grikkland eigi sérstakan stað í hjarta sínu.

Hann hefur áður skartað bindinu með grísku fánunum opinberlega. Nú síðast í opinberri heimsókn í Suður-Kóreu viku áður en deilurnar um höggmyndirnar brutust út.

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 18 klukkutímum

Veitinga- og athafnamaður á skilorði vegna skattsvika og fékk 87 milljón króna reikning frá ríkissjóð

Veitinga- og athafnamaður á skilorði vegna skattsvika og fékk 87 milljón króna reikning frá ríkissjóð
Fréttir
Fyrir 18 klukkutímum

Óvæntur starfsmannafundur til að tilkynna um sameiningu – 14 sagt upp störfum

Óvæntur starfsmannafundur til að tilkynna um sameiningu – 14 sagt upp störfum
Fréttir
Í gær

Maður á jeppa elti móður og dóttur í Grafarvogi – „Hann rífur í mig og lemur mig í bringuna“

Maður á jeppa elti móður og dóttur í Grafarvogi – „Hann rífur í mig og lemur mig í bringuna“
Fréttir
Í gær

Þjóðskrá segir Önnu og Gunnlaug geta ekki átt lögheimili á Íslandi – „Það er í alvöru hægt að „henda okkur úr landi““

Þjóðskrá segir Önnu og Gunnlaug geta ekki átt lögheimili á Íslandi – „Það er í alvöru hægt að „henda okkur úr landi““
Fréttir
Í gær

Kona trylltist fyrir utan Egilshöll

Kona trylltist fyrir utan Egilshöll
Fréttir
Í gær

Þorsteinn harmar leigubílafrumvarpið – „Þessa þróun þarf að stöðva strax“

Þorsteinn harmar leigubílafrumvarpið – „Þessa þróun þarf að stöðva strax“
Fréttir
Í gær

Stefnir Disney World eftir voveiflegt dauðsfall eiginkonu sinnar

Stefnir Disney World eftir voveiflegt dauðsfall eiginkonu sinnar
Fréttir
Í gær

Dularfulla hljómplötusendingin frá Þýskalandi – Kona og karl sakfelld

Dularfulla hljómplötusendingin frá Þýskalandi – Kona og karl sakfelld